Haraldur Freyr Guðmundsson
„Þetta var ekkert fallegt. Mér fannst við lélegir í fyrri hálfleik og eins og við þyrðum ekki að hafa boltann og sköpuðum okkur ekki nein færi. Seinni hálfleikurinn var töluvert betri hjá okkur þar sem við allavega reyndum og sköpuðum okkur ágætis stöður.“ Sagði Haraldur Freyr Guðmundsson þjálfari Keflavíkur um leikinn ef Keflavík og Fram gerðu markalaust jafntefli í heldur bragðdaufum leik á HS Orkuvellinum í Reykjanesbæ fyrr í dag.
Lestu um leikinn: Keflavík 0 - 0 Fram
Staða Keflavíkur batnaði ekki með jafnteflinu í kvöld en langt er í öruggt sæti í deildinni. Hvernig er að gíra mannskapinn upp í leiki þegar vonin er veik og verður veikari með hverjum leiknum sem líður?
„Það sjá það allir sem sjá töfluna en meðan það er von þá er það séns. Við höldum bara áfram og það er bara næsti leikur gegn Stjörnunni á sunnudaginn úti og svo koma fimm leikir í úrslitakeppni. Við erum ennþá bara brattir og teljum okkur geta snúið þessu við. “
Keflavík skoraði mark í dag sem dæmt var af þegar Stefan Ljubicic skallaði boltann í netið af talsvert löngu færi. Elías Ingi Árnason sem dæmdi fyrri hálfleik í dag flautaði þó brot á Stefan vegna bakhrindingar. Hvernig horfði atvikið við Haraldi?
„Mér fannst þetta allavega mjög lítið, en það er bara eins og það er hann dæmdi aukaspyrnu en ég á eftir að skoða það aftur. “
Sagði Haraldur en allt viðtalið við hann má sjá í spilaranum hér að ofan.
