FC Bayern er búið að tryggja sér Þýskalandstitilinn enn eina ferðina en það er hörð barátta í gangi um síðustu tvö meistaradeildarsætin.

Í dag mætast öll fjögur liðin sem eru í baráttu um þátttökurétt í deildarkeppni Meistaradeildarinnar á næstu leiktíð. Hoffenheim spilar fyrst við Stuttgart og eru liðin jöfn á stigum í 4.-5. sæti sem stendur.

Bayer Leverkusen tekur svo á móti RB Leipzig sem virðist óstöðvandi þessa dagana. Leverkusen er tveimur stigum eftirá í baráttunni á meðan Leipzig situr í þriðja sæti og getur svo gott sem innsiglað sæti í Meistaradeildinni með sigri.

Meistararnir í Bayern taka á móti botnliði Heidenheim sem er enn á lífi í baráttunni um 16. sætið, þriðja neðsta sæti deildarinnar. Botnliðin tvö falla niður um deild en þriðja neðsta fær umspilsleiki við þriðja sætið úr 2. Bundesliga.

Ísak Bergmann Jóhannesson og félagar í Köln eru fimm stigum fyrir ofan fallsvæðið þegar þrjár umferðir eru eftir. Jafntefli gæti nægt til að tryggja áframhaldandi þátttöku í efstu deild.

Borussia Dortmund siglir nokkuð lygnan sjó í öðru sæti deildarinnar og fær Borussia Mönchengladbach í heimsókn. Gladbach er að eiga afleitt tímabil.

Að lokum spilar Freiburg, sem er í harðri baráttu um sæti í Sambandsdeildinni, heimaleik við fallbaráttulið Wolfsburg. Bæði lið þurfa nauðsynlega á sigri að halda.

Laugardagur
13:30 Werder Bremen - Augsburg
13:30 Union Berlin - Köln
13:30 Hoffenheim - Stuttgart
13:30 Frankfurt - Hamburger
13:30 FC Bayern - Heidenheim
16:30 Leverkusen - RB Leipzig

Sunnudagur
13:30 St. Pauli - Mainz
15:30 Gladbach - Dortmund
17:30 Freiburg - Wolfsburg