ÍBV er sigurvegari í B-deild Faxaflóamóts kvenna eftir sigur á ÍA í Akraneshöllinni í kvöld. ÍBV þurfti að vinna leikinn til þess að eiga möguleika á að vinna mótið.

ÍA var sterkari aðilinn í fyrri hálfleik og skoraði Erla Karitas Jóhannesdóttir eina mark fyrri hálfleiks. Skagastúlkur leiddu 1-0 í leikhléi.

Í seinni hálfleik tóku gestirnir frá Eyjamönnum yfirhöndina og skoruðu þær fjögur mörk gegn engu. Lettnesku landsliðskonurnar Karlina Miksone og Olga Sevocova voru öflugar í liði ÍBV og var Danielle Tolmais frá Frakklandi einnig á skotskónum.

Lokatölur 4-1 fyrir ÍBV sem vinnur B-deild Faxaflóamótsins á markatölu. ÍBV og ÍA enduðu bæði með 12 stig.

ÍBV leikur í Pepsi Max-deildinni í sumar á meðan ÍA er í 1. deild kvenna.

Lokastaða B-deildar Faxaflóamótsins:
1. ÍBV
2. ÍA
3. Grótta
4. Augnablik
5. Afturelding
6. HK