Vonast til að Antony verði klár í úrslitaleikinn

Antony meiddist undir lok síðasta tímabils þegar hann var leikmaður Ajax og missti af síðustu átta leikjum liðsins. Óttast var um að um svipuð meiðsli væri að ræða.

Erik ten Hag hefur nú tjáð sig um meiðslin og segir að hann gæti verið klár fyrir úrslitaleik enska bikarsins um næstu helgi.

„Við sáum öll hvernig hann fór af velli, þetta leit ekki vel út. Eftir fyrstu skoðun er þetta ekki svo slæmt og góður möguleiki á því að hann verði klár fyrir bikarúrslitin í næstu viku," sagði Ten Hag í samtali við MUTV.