Sterkasta lið 12. umferðar - Tveggja þjálfara kerfið

Johannes Vall hjá ÍA er í fjórða sinn á tímabilinu í liði umferðarinnar og þar er einnig liðsfélagi hans Viktor Jónsson þrátt fyrir að hafa ekki skorað í leiknum.

Danijel Dejan Djuric átti þrjár stoðsendingar og Helgi Guðjónsson skoraði tvö mörk í frábærum sigri Víkings gegn Stjörnunni. Þetta var góð umferð fyrir Víking en keppinautar liðsins misstigu sig.

FH vann 1-0 baráttusigur gegn Breiðabliki þar sem Ástbjörn Þórðarson skoraði sigurmarkið en Ólafur Guðmundsson var valinn maður leiksins.

Fred Saraiva átti frábæran leik þegar Fram vann langþráðan sigur með því að leggja Vestra á Ísafirði 3-1. William Eskelinen var besti maður Vestra og kom í veg fyrir stærra tap. Hann svaraði vel eftir gagnrýni Davíðs Smára í leiknum á undan.

Daníel Hafsteinsson átti magnaða frammistöðu fyrir KA sem vann sinn annan leik í röð og komst upp úr fallsæti með 2-1 útisigri gegn HK. Hallgrímur Mar Steingrímsson skoraði sigurmarkið í leiknum.

Aron Sigurðarson var maður leiksins í 2-2 jafntefli KR gegn Fylki en Kristján Flóki Finnbogason sem skoraði tvö mörk í leiknum rétt missir af sæti í liði umferðarinnar.

Fyrri úrvalslið
Sterkasta lið 11. umferðar
Sterkasta lið 10. umferðar
Sterkasta lið 9. umferðar
Sterkasta lið 8. umferðar
Sterkasta lið 7. umferðar
Sterkasta lið 6. umferðar
Sterkasta lið 5. umferðar
Sterkasta lið 4. umferðar
Sterkasta lið 3. umferðar
Sterkasta lið 2. umferðar
Sterkasta lið 1. umferðar