Sterkasta lið 7. umferðar - Bjargaði stigi á dramatískan hátt

Patrik Johannesen skoraði fyrir Breiðablik.

Mynd: Fótbolti.net - Hafliði Breiðfjörð

Luke Rae var maður leiksins í Krikanum.

Mynd: Fótbolti.net - J.L.

Hans Viktor varnarmaður KA.

Mynd: Fótbolti.net - Sævar Geir Sigurjónsson

Patrik Johannesen skoraði fyrir Breiðablik.

Mynd: Fótbolti.net - Hafliði Breiðfjörð

Sterkasta lið 7. umferðar Bestu deildarinnar hefur verið valið. Þjálfari umferðarinnar er Halldór Árnason hjá Breiðabliki eftir 2-1 sigur gegn Stjörnunni í kvöld.

Patrik Johannesen skoraði fyrra mark Blika og er í úrvalsliðinu, líkt og Kristinn Jónsson sem átti afbragðs góðan leik.

TENGT EFNI21.05.24 - 23:12

Sterkastur í 7. umferð: Núna er ég kominn ofar á völlinn og þá komu mörk

Blikar halda áfram að elta Víking sem er þremur stigum fyrir ofan á toppi deildarinnar. Víkingur átti ekki í vandræðum með Vestra og vann 4-1 sigur þar sem Danijel Dejan Djuric skoraði tvívegis. Gunnar Vatnhamar var traustur að vanda og er í þriðja sinn í úrvalsliðinu.

Árni Marinó Einarsson ver mark Sterkasta liðsins en hann bjargaði stigi fyrir ÍA gegn Fram í 1-1 jafntefli. Hann átti magnaða markvörslu í blálok leiksins úr dauðafæri Framara, dramatísk stund því dómarinn flautaði leikinn svo strax af. Fred þótti bestur Framara.

KA vann sinn fyrsta sigur í deildinni þegar liðið lagði botnlið Fylkis 4-2. Hans Viktor Guðmundsson er í vörn úrvalsliðsins en Daníel Hafsteinsson skoraði tvö og var valinn maður leiksins.

Luke Rae í KR var valinn maður leiksins í sigri gegn FH. Þrátt fyrir að vera í tapliði kemst Kjartan Kári Halldórsson einnig í úrvalsliðið en hann var allt í öllu í sóknarleik Hafnfirðinga.

Sterkasti leikmaður umferðarinnar er Jónatan Ingi Jónsson sem skoraði bæði mörk Vals í 2-1 útisigri gegn HK í Kórnum.

Fyrri úrvalslið
Sterkasta lið 6. umferðar
Sterkasta lið 5. umferðar
Sterkasta lið 4. umferðar
Sterkasta lið 3. umferðar
Sterkasta lið 2. umferðar
Sterkasta lið 1. umferðar