Nú er EM byrjað í allri sinni dýrð. Aðeins heimsmeistarakeppnin toppar þetta stórkostlega mót. Þarna mætast flest af bestu liðum í heimi, það er í raun bara Brasilía og Argentína sem maður saknar. Og mótið fer vel af stað. Reyndar var ég að horfa á mína menn í Svíþjóð tapa sínum fyrsta leik. Eftir að hafa séð leik Frakka og Englendinga þá held ég samt að þeir eigi ennþá möguleika að fara áfram. Svíþjóð hefur verið mitt lið síðan að ég bjó þar í nokkur ár. Ég flutti þangað á sautjánda ári til þess að spila með Malmö FF. Þar var ég í þrjú ár. Þarna voru margir góðir fótboltamenn og tveir af þeim spila í sænska landsliðinu í dag. Marcus Rosenberg og Zlatan Ibrahimovic. Á þeim tíma bjóst maður samt ekki við að þeir myndu eiga jafn farsælan feril og raun hefur verið.
Meira »
Nú er EM byrjað í allri sinni dýrð. Aðeins heimsmeistarakeppnin toppar þetta stórkostlega mót. Þarna mætast flest af bestu liðum í heimi, það er í raun bara Brasilía og Argentína sem maður saknar. Og mótið fer vel af stað. Reyndar var ég að horfa á mína menn í Svíþjóð tapa sínum fyrsta leik. Eftir að hafa séð leik Frakka og Englendinga þá held ég samt að þeir eigi ennþá möguleika að fara áfram. Svíþjóð hefur verið mitt lið síðan að ég bjó þar í nokkur ár. Ég flutti þangað á sautjánda ári til þess að spila með Malmö FF. Þar var ég í þrjú ár. Þarna voru margir góðir fótboltamenn og tveir af þeim spila í sænska landsliðinu í dag. Marcus Rosenberg og Zlatan Ibrahimovic. Á þeim tíma bjóst maður samt ekki við að þeir myndu eiga jafn farsælan feril og raun hefur verið.
Meira »
Þið munið kannski eftir pistli mínum frá í apríl um ferðakostnað landsbyggðarliðs. Þar lýsti ég því að vera búinn að panta flug sumarsins fyrir Knattspyrnufélag Fjarðabyggðar fyrir litlar 5,9 milljónir. Athugið að hér er aðeins verið að tala um meistaraflokka Fjarðabyggðar og 2. flokk enda heldur Knattspyrnufélag Fjarðabyggðar aðeins utan um þessa flokka en yngri flokkar eru aðskildir.
Meira »
Það er komið að Evrópumótinu. Fyrir stuðningsmann Englendinga er þetta tími þar sem miklar væntingar og vonir eru skotnar niður. Fyrir hvert einasta stórmót eru fjölmiðlarnir og þjóðin búin að undirbúa sig fyrir tilfinningaríkt og þjóðrækið æði.
Meira »
Hver var tilgangurinn með því að kaupa réttinn af kvennaknattspyrnu á Íslandi?
Mér virðist eini tilgangurinn vera sá að minnka umfjöllunina og þar af leiðandi áhugann á íslenskri kvennaknattspyrnu. Það er ekki nóg að henda einni vél á einn leik í umferð og senda út. Meira »
Nú er enska deildin búin og meistaradeildin sömuleiðis. Meiri dramatík og betri skemmtun hefði ekki verið hægt að óska sér. Í það minnsta fyrir hlutlausa sem við Liverpool-menn erum í flestum keppnum nú til dags. Meistaradeildin ræðst í vítaspyrnukeppni eftir fjörugan leik og enska deildin ræðst á síðustu spyrnu mótsins, nánast. Ég horfði ekki á marga leiki en ég sá þann síðasta af 380 leikjum sem spilaðir voru á þessu tímabili og þvílíkur endir á bestu deild í heimi. Ég var samt ekki sá eini sem horfði á leikinn.
Meira »
Atli Þór heiti ég og er ég knattspyrnuáhugamaður mikill. Ég hef spilað knattspyrnu, þjálfað unga knattspyrnumenn og knattspyrnukonur og síðustu árin hef ég verið að dæma mér til gamans. Þess að auki hef ég horft á hundruði knattspyrnuleikja, hvort sem um er að ræða stóra Evrópuleiki í beinni útsendingu eða 3. deildar leik í roki og rigningu.
Meira »
Upphitun ætti að gegna stærra hlutverki heldur en bara hækka líkamshitann fyrir æfingu, hún ætti að snúast um það ásamt því að styrkja líkamann, æfa ákveðið hreyfi-minnstur og vinna með liðleikann.
Meira »
NÝLIÐARNIR frá Akranesi hafa byrjað Íslandsmótið með miklum látum og eru með fullt hús stiga eftir fjórar umferðir í Pepsí-deildinni. Þessi byrjun Skagamanna vekja upp minningar frá 1992 er þeir byrjuðu einnig Íslandsmótið vel eftir að hafa endurheimt sæti sitt í efstu deild og urðu fyrstir til þess að hampa Íslandsbikarnum eftir að hafa leikið í 2. deild árið áður. Of snemmt er að spá því að þeir endurtaki þann leik í ár.
Meira »
Manchester City varð Englandsmeistari á dögunum í fyrsta skipti í 44 ár. Vel gert hjá þessu milljarðaliði og enn og aftur kemur sönnun þess að hægt er að kaupa titla.
Það er samt ekki hægt að taka það af þeim að þeir voru vel að þessu komnir og ekkert hægt nema bara að óska þeim City-mönnum sem eru mér nær og fjær til hamingju. Meira »
Ég hef verið þeirrar gæfu aðnjótandi að fá að þjálfa fjöldann allan af frábæru ungu knattspyrnufólki hjá tveimur metnaðarfullum félögum Breiðabliki og Haukum undanfarin tíu ár. Mig langar til að deila reynslu minni af því hvernig viðhorf til kvennaknattspyrnu hefur tekið risastökk fram á við á þeim tíma og hvetja okkur öll til að gefa enn betur í.
Meira »
„Leikkerfið þar sem miðjumenn eru í öllum stöðum.“
„Leikmenn eru þreyttari í hausnum en öðrum stöðum líkamans eftir æfingar, þeir þurfa að hugsa mjög mikið með og án bolta.“
„Leikmenn hvíla sig í sókninni því liðið er með boltann yfir 50% allan leikinn.“ Meira »
Sjónarmið Grindvíkinga eftir 4-3 tapleik liðsins gegn Fram í gær kom ekki fram hér á Fótbolta.net. Guðjón Þórðarson, þjálfari Grindvíkinga, hefur neitað að tala við fréttaritara síðunnar eftir tvo síðustu leiki liðsins.
Meira »
Þegar stórmeistari yfirgefur sviðsljósið opnast flóðgáttir tilfinninga. Oft með þeim hætti að maður finnur sig knúinn til að votta þeim virðingu sína, jafnvel með því að stinga niður penna. En þegar Alessandro Nesta, Alessandro Del Piero, Gennaro Gattuso, Gianluca Zambrotta og Filippo Inzaghi yfirgefa lið sín og sumir jafnvel fótbolta yfirhöfuð, allir á sama deginum duga vart skrifuð orð. Það verður einfaldlega of mikið.
Meira »
Fjögur lið geta unnið titilinn í ár í Pepsídeild kvenna. Allt getur gerst. Stjarnan skrifaði nýjan kafla í knattspyrnusöguna í fyrra með sínum titli. KR-stórveldið bjargaði sér frá falli á markatölu. Fimm lið enduðu með jafnmörg stig í A-deild lengjubikarsins í vor. Það mun eitthvað óvænt og skemmtilegt gerast í deildinni í sumar. Það er klárt.
Meira »
Í gær byrjaði boltinn að rúlla í 1.deildinni sem er aðaldeildin í mínum heimkynnum á Snæfellsnesi. Víkingarnir tóku á móti Fjölni og niðurstaðan var sanngjarnt jafntefli í leik sem bæði lið gátu þó kvartað undan að hafa ekki unnið.
Meira »
Það er ekki oft sem maður sest fyrir framan sjónvarpið til að horfa á beina útsendingu á íslenskum leik og skemmtir sér eins vel og í gærkvöldi, þegar ÍA tók á móti KR.
Meira »
Það er mikið ánægjuefni hvað margir hafa áhuga á Pepsideild karla. Er ég þar engin undantekning. Það sem gert hefur verið í mörg ár, eru alls konar kannanir og atkvæðgreiðsla, bæði hjá fyrirliðum og þjálfurum félaganna, en einnig fjölmiðlaspekinga, sem gefa sér það hverjir munu vinna og hverjir falla.
Meira »
Þegar ég var 12 ára skrifaði ég undir tveggja ára samning við Chelsea. Þegar ég skrifaði undir samninginn sögðu þjálfarinn minn og yfirmaður akademíunnar: ,,Þessi samningur merkir ekkert, ef við viljum losna við þig á næstu 2 árum þá munum við gera það. Þetta þýðir einungis að þú getur ekki spilað með neinum öðrum en okkur.”
Á þessu augnabliki var hugarfar mitt mótað. Þarna fékk ég sönn og góð ráð. Ef félag vill ekki hafa þig lengur þá mun það finna leið til að láta þig fara. Tryggð og tilfinningar eru ekki til. Sem leikmaður getur þú aukið möguleikana á því að vera áfram hjá félaginu. Á endanum getur þú samt ekkert gert ef þjálfarinn ákveður að þín sé ekki þörf lengur. Meira »
Jæja þá er maður búinn að panta flug fyrir sumarið fyrir kr. 5.900.000. Já 5,9 milljónir takk og þá eru ótaldir bílaleigubílarnir og rúturnar sem liðin okkar þrjú nota til ferðalaga þegar keppt er fyrir norðan og á Höfn. Ætli heildarkostnaðurinn sé ekki á milli 7 og 8 milljónir. Athugið að hér er aðeins verið að tala um meistaraflokka Fjarðabyggðar og 2. flokk enda heldur Knattspyrnufélag Fjarðabyggðar aðeins utan um þessa flokka en yngri flokkar eru aðskildir.
Meira »
Árið 2005 ákvað ég, Ágúst Stefánsson, ásamt félaga mínum Oddi Aðalgeirssyni að það væri kominn tími til að fylgjast með einhverju skemmtilegu liði í neðri deildunum á Englandi. Liðið sem við féllum fyrir var Blackpool FC. Gengi félagsins hefur verið ótrúlegt síðan þá, en liðið var í Football League One (2. deild upp á íslenskuna) og hefur síðan farið upp í fyrstu deildina og eins og margir muna eftir upp í Úrvalsdeildina þar sem spilamennska liðsins heillaði ansi marga áður en liðið féll óverðskuldað í síðustu umferðinni í fyrra.
Meira »