Á þessum degi, 15. apríl árið 2002 opnaði ég Fótbolti.net í fyrsta sinn og vefurinn er því 20 ára í dag.
Meira »
Einn hatrammasti nágrannaslagur heims milli Rauða Stjörnunnar og Partizan í Serbíu. Maður hefur oft hugsað út í það að einn daginn verði maður að upplifa viðureign þessara liða. Sú hugsun mín hefur ágerst allsvakalega eftir gærdaginn.
Með því að elta kvennalandsliðið gafst tækifæri á að kíkja á heimaleik hjá Rauðu Stjörnunni, bikarleik gegn TSC Bačka Topola. Bikarinn í Serbíu trekkir ekki jafn mikið að og deildin og Marakana völlurinn, eins og heimamenn kalla hann, var tómlegur um að litast meðan leikurinn fór fram.
En fyrir aftan annað markið, þar sem heitustu stuðningsmenn Rauðu Stjörnunnar halda sig, myndaðist góður og hávær hópur. Það voru sprengjur, það voru blys, hávær söngur, klósettpappír var kastað og slökkviliðsmenn og hermenn í viðbragðsstöðu á þessum niðurgrafna leikvangi.
Stemningin gaf sterkar vísbendingar um það hvernig andrúmsloftið er á Belgradslagnum, ef maður er sæmilegur í margföldun. Hitinn í leiknum sjálfum var býsna mikill og næstum hver einasti maður í starfsliðum beggja liða fékk að líta spjald, gult eða rautt. Meira »
Arnar Þór Viðarsson hefur í tæpt eitt og hálft ár verið þjálfari karlalandsliðsins og nú er rétt rúmlega eitt ár frá því hann stýrði sínum fyrstu leikjum. Þeir voru í undankeppni HM í mars í fyrra; tap gegn Þýskalandi, slæmt tap gegn Armeníu og skyldusigur gegn Liechtenstein staðreynd.
Arnar kynnti fyrir flestum leikmönnum liðsins nýtt leikkerfi, 4-1-4-1, sem ekki hafði verið spilað áður í A-landsliðinu. Leikkerfinu 4-4-2 eða 4-4-1-1 var ýtt til hliðar og nú átti að fara nýja leið – einn djúpur miðjumaður og önnur nálgun en hafði hjálpað liðinu að ná besta árangri í sögu landsliðsins.
Það var fljótt ljóst að það myndi taka talsverðan tíma að koma þessari nýju nálgun í gegn. Gamli landsliðsfyrirliðinn átti í erfiðleikum í sínu hlutverki og menn tengdu verr en áður. Í kjölfarið fór svo að kvarnast úr hópnum af ýmsum ástæðum, sumir voru komnir á þann stað ferilsins að tími var kominn til að kalla þetta gott en aðrir hafa ekki spilað síðan vegna annarra ástæðna.
Gengið í þjálfaratíð Arnars hefur hreint ekki verið gott. Öflugustu úrslitin komu úti í Póllandi þegar jafntefli náðist í æfingaleik í júní í fyrra. Sigrarnir hafa einungis verið þrír og komu þeir gegn Liechtenstein í keppnisleikjum og í æfingaleik gegn Færeyjum.
Í þessum pistli ætla ég, fréttaritari Fótbolta.net, að vekja athygli á hlutum sem ég sem fjölmiðlamaður með enga þjálfaramenntun set spurningamerki við á þessu fyrsta ári Arnars í starfi. Þetta eru atriði eins og val á leikmönnum, leikkerfi, svör við spurningum fjölmiðlamanna og val á æfingaleikjum. Meira »
Á fimmtudag síðustu viku birtist grein eftir mig á miðlunum fotbolti.net og akureyri.net .
Ég var búinn að ákveða fyrir birtinguna að tjá mig ekki frekar um þau mál sem þar var fjallað um. Gerði fyrirfram ráð fyrir að ekki yrðu allir á eitt sáttir við skrifin og jafnvel yrði vegið að höfundi á samfélagsmiðlum og í greinarskrifum annars staðar. Ég er sem betur fer ekki á samfélagsmiðlum þannig að skrif þar sé ég ekki. Meira »
KSÍ var með ársþing sitt 26. febrúar síðastliðinn í Haukahúsinu í Hafnarfirði. Formannskjör og kosning í stjórn vöktu, kannski eðlilega, mesta athygli en þingið fór fram með afar hefðbundum og formföstum hætti. Öll umgjörð af hálfu Hauka og skipulag var til fyrirmyndar, sem unnu vel innan hins formfasta skipulags, og afar vel mætt á þingið.
Meira »
Tvær þjóðir hafa stigið fram og tilkynnt um ætlun sína að spila ekki gegn Rússlandi í undankeppni HM í næsta mánuði.
Meira »
Er ekki orðið tímabært að varpa sviðsljósinu yfir á þau gæði sem einstaklingar búa yfir?
Meira »
Það er þekkt umræða á Íslandi að barnastarfið hjá knattspyrnuhreyfingunni sé á heimsmælikvarða. Ég ætla ekki að dæma um það hér að öðru leyti en að það er morgunljóst að börn á Íslandi fá að æfa og spila við góðar aðstæður á flestum stöðum. Fótboltamótin sem félögin halda eru stórkostleg ævintýri, innan vallar sem utan, fyrir krakkana og foreldra þeirra.
Meira »
Nú þegar formannskjör KSÍ stendur fyrir dyrum er fólki heitt í hamsi. Þó það sé réttur hvers og eins að setja fram sína skoðun á mönnum og málefnum væri það til mikilla bóta að stuðst væri við staðreyndir.
Meira »
Nú langar mig að setja á blað nokkra punkta er varða neðri deildar bikar karla. Fyrir Ársþingi KSÍ liggur tillaga um að árið 2023 verði sett á fót bikarkeppni í neðrideildum karla. Mikil rómantík á að skapast í kringum það að bæta við bikarkeppni og fá mögulega úrslitaleik á Laugardalsvelli. Lagt er til að 32 lið komist í keppnina og eru það þau lið sem leika í 2. og 3. deild ásamt liðunum sem féllu úr 3. deild árið áður og liðum þrjú til átta í 4. deild árið áður. Leikið verður samkvæmt úrsláttakeppni.
Meira »
Fram undan er ársþing KSÍ þar sem meðal annars verður kosið á milli tveggja frambjóðenda í embætti formanns hreyfingarinnar. Mig langar til að leggja orð í belg og vekja athygli á nokkrum mikilvægum atriðum er varða stöðu, annars frambjóðandans og þeirra samtaka sem hann er fulltrúi fyrir.
Meira »
Nýverið skrifaði formaður knattspyrnráðs Stjörnunnar áhugaverðan pistil þar sem hann fór afar ófögrum orðum yfir eitt bæjarfélag og ástand valla þar í bæ, sama um hvort gras eða gervigras væri að ræða. Pistillinn á svo sem algjörlega rétt á sér en vandamálið er miklu stærra en það að þetta sé einungis eitt bæjarfélag sem sé að glíma við slíka vanrækslu. Vandamálið er miklu stærra.
Meira »
Í haust tók ný stjórn við hjá Knattspyrnusambandi Íslands. Ástæðu þess að stjórnarskipti urðu þekkja flestir og ætla ekki að kryfja það mál hér. Ný stjórn tók við á erfiðum tíma og fyrstu verk snéru að þeim málum sem leiddu til stjórnarskiptanna. Vinna við að fara yfir þessi mál var sett af stað og starfshópar skipaðir. Þessi vinna er enn í gangi og allir eru sammála um að koma verkferlum og reglum þannig fyrir að allt sé skýrt ef ofbeldismál koma upp.
Meira »
Um helgina stendur fyrir dyrum kjör til stjórnar og formanns Knattspyrnusambands Íslands. Mesta athyglin er á formannskjörinu – og skyldi nú engan undra. Síðustu tveir formenn voru ekki beint reisulegir þegar þeir létu af embætti. En látum það vera. Tölum um knattspyrnu.
Meira »
Sem forsvarsmaður og sjálfboðaliði í einu öflugasta félagi landsins hef ég fylgst með allri umræðu um KSÍ undanfarna mánuði. Næstkomandi helgi mun ég sitja ársþing sambandsins þar sem verður kjörin nýr formaður og ný stjórn. Fráfarandi stjórnarmönnum þakka ég vinnuna sem þeir hafa lagt á sig undir afar erfiðum aðstæðum. Þeir eiga hrós skilið.
Meira »
Þann 30. mars næstkomandi tekur Barcelona á móti Real Madrid í 8-liða úrslitum Meistaradeildar kvenna í knattspyrnu. Uppselt varð á leikinn á þremur dögum, um 85 þúsund miðar seldir. Lið Barcelona sem varð atvinnumannalið árið 2015, er nú orðið stórveldi og óhætt að kalla það eitt besta lið í heimi um þessar mundir. Svipaða sögu er hægt að segja af öðrum liðum víða um Evrópu, þar sem fjárfesting í kvennaliðum félaganna hefur skilað sér margfalt til baka. Áhorfendatölur rjúka upp og loksins geta ungar knattspyrnukonur fundið sér kvenkyns fyrirmyndir og elt drauma sem áður voru ekki til staðar.
Meira »
Árið 2021 spiluðu strákar og stelpur í 5. flokki á Íslandi 11 deildarleiki í Íslandsmótinu í fótbolta. Í 4. flokki spiluðu strákarnir 11 leiki en stelpurnar 14, í 3. flokki voru leikirnir 14 á bæði kyn og í 2. flokki spiluðu strákarnir 20 leiki og stelpurnar 12.
Sum lið fengu vissulega fleiri leiki ef þau náðu að komast í úrslitakeppni hvers flokks.
Mikið er rætt um að fjölga leikjum í mfl.kk og mfl kvenna í Íslenskum fótbolta. Það er umræða sem á svo sannarlega rétt á sér. Meira »
Uppbygging knattspyrnuvalla á Íslandi hefur á undanförnum 15 árum verið á einn veg. Plast. Nánar tiltekið gervigras. Núna nýjast voru Vestmannaeyjar og Grindavík að bætast við þann lista sem ætla færa sig til þess vegar að setja keppnisvelli sína á gervigras. Margir hafa litið á greinarhöfund sem andstæðing gervigrassins en svo er alls ekki enda þurfum við gervigras til þess að geta æft allan ársins hring.
Hinsvegar er það svo að ég er algjörlega mótfallinn því að setja gervigras á keppnisvellina. Þar er í raun og veru gríðarlegur munur þarna á. Hver er sá munur og hvaða spurningar geta vaknað upp? Meira »
Að þjálfa unga leikmenn í sérstökum leikstöðum er mikil tímaskekkja að mínu mati og beinlínis röng þjálfun!
Meira »
