Byrjunarlið Breiðabliks og ÍA: Árni Marinó í marki Skagamanna

Einn leikur fer fram í kvöld þegar 15.umferð Bestu deildar karla heldur áfram göngu sinni. Breiðablik fá Skagamenn í heimsókn á Kópavogsvöll klukkan 19:15. 

Breiðablik situr á toppi deildarinnar og getur styrkt stöðu sína þar með sigri og komist í 9 stiga fjarlægð frá Víkingum í 2.sæti sem eiga þó leik til góða. 

Skagamenn hinsvegar hafa haft litla ástæðu til að fagna undanfarið og sitja í botnsæti deildarinnar með 8 stig en get með sigri lyft sér uppfyrir Leikni R í 11.sætið og að hlið FH með jafnmörg stig í 10.sæti en markatala Skagamanna er þeim óhagstæð.