Barcelona, Bayern München og Liverpool eru söll sögð skoða það að ráða De Zerbi í sumar.

Hann hefur gert flotta hluti frá því hann tók við Brighton fyrir tveimur árum. De Zerbi kom Brighton í Evrópudeildina á fyrsta tímabili og kom með aðlaðandi hugmyndafræði í leikstíl liðsins.

Ítalinn er þó ekkert að velta framtíðinni fyrir sér, alla vega ekki í augnablikinu.

„Eina sem ég hugsa um er Brighton. Ég væri til í að klára tímabilið eins vel og hægt er, með alla þessa ungu leikmenn, berjast og vinna eins marga leiki og möguleiki er á. Ég er með samning og hef ekki ákveðið neitt. Einbeiting mín er 100 prósent á Brighton,“ sagði De Zerbi.