5.umferð bestu deildar karla hóf göngu sína í dag en í Úlfársárdalnum áttust við Fram sem voru án sigurs í deildinni og ÍBV sem höfðu sigrað síðustu tvo leiki sína.
Það var jafnræði með liðunum í fyrri hálfleik og liðin skildu jöfn í hlé en í síðari hálfleik voru það Fram sem sóttu mörkin sem skildu liðin af.
Lestu um leikinn: Fram 3 - 1 ÍBV
„Sanngjarn sigur í dag fannst mér og við töluvert sterkara lið, sérstaklega í seinni hálfleik og vörðumst vel því sem Vestmannaeyjingarnir buðu uppá þannig góður sigur." Sagði Jón Sveinsson þjálfari Fram eftir leikinn í dag.
„Það var ágætis jafnvægi í fyrri hálfleiknum og Vestmannaeyjingarnir eru erfiðir að eiga við, þeir eru aggresívir að koma boltanum inn á hættusvæði og sækja þangað og voru að fá óþarflega mikið af hornspyrnum kannski og löng innköst og einhverjar aukaspyrnur þarna sem við þurftum að verjast en við gerðum það vel í dag og svo á endanum tókum við svolítið leikinn yfir í seinni hálfleik og á endanum 3-1 sigur og ég held að það hafi bara verið nokkuð sanngjarnt og við hefðum getað skorað fleirri mörk."
Það var ágætis heppnisstimpill yfir þriðja marki Fram en sumir segja jafnvel loksins að heppnin falli Fram meginn.
„Við skópum það bara pínu og fórum upp og pressuðum þá og þeir ætla að spila sig út úr því en við vinnum boltann og við það að vinna boltann hrekkur hann inn á Tóta sem er aleinn í gegn og kláraði það bara vel."
Nánar er rætt við Jón Sveinsson þjálfara Fram í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
