Fótbolti.net

lau 02. maí 2026 20:35

Brynjar Ingi Erluson

Arteta: Sýndum úr hverjum við erum gerðir

Mikel Arteta

Mynd: EPA

Bukayo Saka átti frábæran leik

Mynd: EPA

Mikel Arteta, stjóri Arsenal, hrósaði liði sínu í hástert eftir frammistöðuna í 3-0 sigrinum á Fulham í dag og sagðist hann hafa séð hungrið sem hann kallaði eftir fyrir leikinn.

02.05.2026 18:28

England: Gyökeres allt í öllu og Arsenal með sex stiga forystu

Frammistaðan hjá Arsenal var nánast upp á tíu og verður erfitt að sjá liðið klikka í titilbaráttunni gegn Manchester City.

Arteta breytti liðinu aðeins enda spilaði Arsenal við Atlético Madríd í undanúrslitum Meistaradeildarinnar í miðri viku og að mæta sterku liði Fulham sem hefur átt mjög gott tímabil.

„Ég er ótrúlega ánægður í dag. Þetta var erfiður leikur að spila því við komum til baka frá Madríd mjög seint á fimmtudag og gáfum svo mikið í þann leik og síðan þurftum við að spila hér gegn Fulham sem er í góðu formi.“

„Mér fannst liðið spila stórkostlegan leik. Við vorum með yfirráð og sýndum hungrið sem við höfðum rætt fyrir leikinn. Við eigum möguleika á að vinna tvær stórar keppnir og erum bara nokkrum leikjum frá því afreki. Strákarnir finna þau forréttindi að vera í þessari stöðu og í dag sýndu úr hverju við erum gerðir,“ sagði Arteta.

Arteta var sérstaklega ánægður með hávaðann í stuðningsmönnum og segir hann mikilvægt að halda áfram að skapa spennuþrungið andrúmsloft til að koma titlinum yfir línuna.

„Það er akkúrat sem við þurfum. Ef við getum skapað þessa samvirkni milli leikmanna, aðgerða og stuðningsmanna þá breytumst við í einn svakalegan mótherja.“

Saka er allur að koma til eftir að hafa glímt við meiðsli. Hann var með mark og stoðsendingu í dag.

„Þetta var enn eitt skrefið hjá honum. Við þurfum að fara varlega með hann, en í þessum leik mátti sjá hvað hann er fær um.“

Myles Lewis-Skelly var fastamaður í liði Arsenal á síðustu leiktíð, en ekki fengið jafn mörg tækifæri til að sanna sig á þessu tímabili.

„Hann hefur hæfileikann að spila í hverri einustu stöðu. Hann er svo hæfileikaríkur og þurft að sýna hógværð og bíða eftir tækifærinu sem er alls ekki auðvelt eftir frábært síðasta tímabil, en hann var verðlaunaður fyrir þolinmæðina í dag,“ sagði Arteta í lokin.

		L	U	J	T	ms:	mf:	mun	Stig
1	Arsenal	37	25	7	5	69	26	+43	82
2	Man City	37	23	9	5	76	33	+43	78
3	Man Utd	37	19	11	7	66	50	+16	68
4	Aston Villa	37	18	8	11	54	48	+6	62
5	Liverpool	37	17	8	12	62	52	+10	59
6	Bournemouth	37	13	17	7	57	53	+4	56
7	Brighton	37	14	11	12	52	43	+9	53
8	Chelsea	37	14	10	13	57	50	+7	52
9	Brentford	37	14	10	13	54	51	+3	52
10	Sunderland	37	13	12	12	40	47	-7	51
11	Newcastle	37	14	7	16	53	53	0	49
12	Everton	37	13	10	14	47	49	-2	49
13	Fulham	37	14	7	16	45	51	-6	49
14	Leeds	37	11	14	12	49	53	-4	47
15	Crystal Palace	37	11	12	14	40	49	-9	45
16	Nott. Forest	37	11	10	16	47	50	-3	43
17	Tottenham	37	9	11	17	47	57	-10	38
18	West Ham	37	9	9	19	43	65	-22	36
19	Burnley	37	4	9	24	37	74	-37	21
20	Wolves	37	3	10	24	26	67	-41	19