Sigmundína Sara.
,,Við mættum bara ekki til leiks og það sást bara í dag, þær unnu 4-1," sagði Sigmundína Sara Þorgrímsdóttir, fyrirliði FH, eftir slæmt tap gegn ÍBV á heimavelli.
Á sama tíma vann Afturelding sinn leik gegn ÍA og fór upp fyrir FH. Hafnarfjarðarliðið situr því í fallsæti þegar einungis þrjár umferðir eru eftir af Pepsi-deild kvenna.
,,Við vorum bara að gefa þeim ódýr mörk, vorum ekki að klára okkar færi. Við héldum boltanum alveg fínt, en við erum ekki búnar að vera með heppnina með okkur í sumar og það sést á stigatöflunni."
,,Við viljum spila í Pepsi-deildinni og núna þurfum við að sýna það í næstu leikjum. Við þurfum að taka stig á móti liðunum sem við eigum eftir að spila á móti."
