Anton Ari Einarsson hefur verið magnaður fyrir Breiðablik í undanförnum leikjum. Aðrir hafa fengið fleiri fyrirsagnir, en staðreyndin er sú að Anton hefur í síðustu þremur umferðum verið valinn í Sterkasta lið umferðarinnar hér á Fótbolti.net.
Hann var frábær í erfiðum útileikjum gegn Val, ÍA og KA. Í síðasta leik, gegn KA, varði hann tvívegis einn á móti einum undir lok leiks og tryggði Breiðabliki með því þrjú stig. Kristófer Ingi Kristinsson, samherji Antons, talaði um að vörslur Antons væru jafnmikilvægar og mark hinu megin á vellinum og Halldór Árnason, þjálfari Blika, hrósaði honum í viðtali eftir leik.
Hann var frábær í erfiðum útileikjum gegn Val, ÍA og KA. Í síðasta leik, gegn KA, varði hann tvívegis einn á móti einum undir lok leiks og tryggði Breiðabliki með því þrjú stig. Kristófer Ingi Kristinsson, samherji Antons, talaði um að vörslur Antons væru jafnmikilvægar og mark hinu megin á vellinum og Halldór Árnason, þjálfari Blika, hrósaði honum í viðtali eftir leik.
Lestu um leikinn: KA 2 - 3 Breiðablik
„Anton er bara orðinn sjálfum sér líkur, búinn að eiga frábært tímabil, búinn að vera algjörlega frábær fyrir okkur. Það er auðvitað gríðarlega mikilvægt að í byrjun síðasta leiks og í lokin hér þá er hann að taka stórar vörslur sem hjálpa okkur mikið, og hefur gert það í allt sumar. Ég er mjög ánægður með hann," sagði Dóri í viðtali við Fótbolta.net.
Anton Ari var til umræðu í Innkastinu þar sem 21. umferðin var gerð upp.
„Hann er heldur betur að stíga upp. Hann er í liði umferðarinnar í 19., 20. og 21. umferð. Hann er búinn að vera fjórum sinnum og þar af eru þrjár síðustu umferðir," sagði Elvar Geir.
„Það er rosalegt. Það segir alveg mikið um þennan leik, Toni bjargar þeim í lokin, tvívegis, seinni varslan var frábær. Jakob Snær á skotið og Anton ver, þar bjargar hann tveimur punktum. Það er ekkert eðlilega mikilvægt fyrir Breiðablik að fá hann upp á þessum tíma," sagði Valur Gunnarsson.
Besta-deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Breiðablik | 22 | 15 | 4 | 3 | 53 - 28 | +25 | 49 |
2. Víkingur R. | 21 | 14 | 4 | 3 | 50 - 23 | +27 | 46 |
3. Valur | 21 | 10 | 5 | 6 | 49 - 32 | +17 | 35 |
4. ÍA | 22 | 10 | 4 | 8 | 41 - 31 | +10 | 34 |
5. Stjarnan | 22 | 10 | 4 | 8 | 40 - 35 | +5 | 34 |
6. FH | 22 | 9 | 6 | 7 | 39 - 38 | +1 | 33 |
7. Fram | 22 | 7 | 6 | 9 | 31 - 32 | -1 | 27 |
8. KA | 22 | 7 | 6 | 9 | 32 - 38 | -6 | 27 |
9. KR | 21 | 5 | 6 | 10 | 34 - 42 | -8 | 21 |
10. HK | 22 | 6 | 2 | 14 | 26 - 56 | -30 | 20 |
11. Vestri | 22 | 4 | 6 | 12 | 22 - 43 | -21 | 18 |
12. Fylkir | 21 | 4 | 5 | 12 | 26 - 45 | -19 | 17 |
Athugasemdir