A-landslið kvenna tekur þátt á Evrópumótinu sem fer fram í Sviss í júlí og lýkur miðasölu fyrir stuðningsfólk íslenska landsliðsins á mánudaginn.
Það eru enn örfáir miðar lausir á stuðningsmannasvæði Íslands en hátt í 5000 miðar hafa nú þegar verið seldir til stuðningsfólks.
Öll miðasala fer fram í gegnum miðasöluvef UEFA og geta allir skráðir sem 'Fan of Iceland' keypt miða á íslensku leikina.
Allir þeir miðar sem verða eftir þegar miðasölunni er lokað á mánudaginn munu fara í almenna miðasölu sem verður opin öllum.
Sú miðasala fer einnig fram í gegnum miðasöluvef UEFA en hefst ekki fyrr en mánudaginn 17. febrúar.
Þar verður hægt að kaupa miða á hvaða staka leik sem er í riðlakeppninni meðan þeir endast.
Athugasemdir
