„Síðustu fimm mínúturnar voru svakalegar og bæði lið vildu fá sigur. Við vorum heppnir þegar við björguðum á línu og þeir björguðu á línu," sagði Ágúst Gylfason þjálfari Stjörnunnar eftir 1-1 jafntefli á heimavelli gegn Fram í 4. umferð Bestu deildarinnar.
Loka mínúturnar voru dramatískar í meira lagi en 1-1 jafntefli niðurstaðan eftir að Framarar höfðu leitt í hálfleik 1-0.
Loka mínúturnar voru dramatískar í meira lagi en 1-1 jafntefli niðurstaðan eftir að Framarar höfðu leitt í hálfleik 1-0.
Lestu um leikinn: Stjarnan 1 - 1 Fram
„Við vorum ósáttir með frammistöðuna í fyrri hálfleik. Við mættum ekki frá byrjun og það er eitthvað sem við verðum að skoða. Við vorum mjög orku litlir og mikið af feil sendingum og þorðum ekki að halda boltanum. Framarar gengu á lagið og voru með tökin á leiknum fannst mér."
Það var allt annað Stjörnulið sem mætti til leiks í seinni hálfleik.
„Við gerðum smá áherslu breytingar í seinni hálfleik og vildum pressa meira. Við gerðum það nokkurnveginn allan seinni hálfleik fyrir utan þessar síðustu fimm mínútur. Fyrir okkur var þetta leikur tveggja hálfleikja."
Óli Valur Ómarsson þurfti að fara af velli í upphafi seinni hálfleiks. Hann var borinn af velli.
„Sjúkraþjálfarinn er að skoða hann. Það kemur í ljós vonandi á eftir eða á morgun hvernig staðan á honum er."
Daníel Laxdal og Björn Berg Bryde er enn að glíma við meiðsli en Daníel fékk höfuðhögg í síðasta leik. Óvíst er hvenær hann kemur aftur.
Athugasemdir
