Heimir Guðjónsson
Heimir Guðjónsson, þjálfari FH, var ósáttur með að detta úr leik í Lengjubikarnum eftir tap gegn Keflavík í vítaspyrnukeppni.
FH-ingar sóttu meira í venjulegum leiktíma en án þess þó að skapa sér mikið af opnum færum.
„Það vantaði þolinmæði hjá okkur. Við vissum að þeir myndu liggja til baka og beita skyndisóknum og við náðum kannski ekki að opna þá nógu mikið."
„Við vinnum aldrei vítakeppnir, eða ekki oft allavega. Við erum ekki mikið að æfa þetta en það er ljóst að við þurfum að fara að gera það. Það eru vonbrigði að detta út. Við hefðum viljað spila fleiri leiki áður en mótið byrjar," segir Heimir sem er ánægður með stöðuna á liðinu.
„Staðan er góð. Það eru allir byrjaðir að æfa nema Gunnar (Nielsen) og hann ætti að geta byrjað að æfa á Spáni í næstu viku."
