Tveir miðverðir orðaðir við Liverpool - Graham Potter næsti landsliðsþjálfari Englands? - Arsenal líklegast til að fá Merino - Man City vill fá...
banner
   mán 08. júlí 2024 13:27
Sæbjörn Þór Þórbergsson Steinke
Heimild: mbl.is 
Cecilía á leið til Inter
Cecilía hefur varið mark Íslands í ellefu leikjum
Cecilía hefur varið mark Íslands í ellefu leikjum
Mynd: Jónína Guðbjörg Guðbjartsdóttir
Cecilía Rán Rúnarsdóttir er á leið til Inter en það er Víðir Sigurðsson á mbl.is sem greinir frá tíðindunum í dag. Cecilía er tvítugur markvörður sem verður 21 árs seinna í þessum mánuði.

Víðir segir að lánssamningur milli Bayern Munchen og Inter sé í höfn en Cecilía er samningsbundinn þýsku meisturunum og hefur verið frá árinu 2021. Núgildandi samningur við Bayern gildir fram á sumarið 2026.

Cecilía meiddist síðasta haust og var nánast allt tímabilið fjarri góðu gamni vegna meiðsla. Hún sneri til baka í byrjun maí, var með í síðasta landsliðsverkefni og er í hópnum fyrir komandi landsleiki gegn Þýskalandi og Póllandi.

Inter endaði í 5. sæti ítölsku deildarinnar á síðasta tímabili. Cecilía verður annar Íslendingurinn til að spila með Inter því Anna Björk Kristjánsdóttir var leikmaður liðsins í tvö ár; yfirgaf félagið síðasta sumar og samdi við Val.
Athugasemdir
banner
banner
banner