Eins og hefur verið fjallað um hér á Fótbolta.net þá gerðu skipuleggjendur leiksins mistök og spiluðu óvart þjóðsöng Andorra fyrir leikinn í gær.

Leikmenn albanska landsliðsins neituðu að spila fyrr en þeirra þjóðsöngur fengi að hljóma um völlinn en það tók tíu mínútur að koma því í kring.

Vallarþulurinn gerði svo önnur mistök með því að biðja Armeníu afsökunar í stað Albaníu. Hrikalega neyðarlegt en Dider Deschamps, þjálfari franska landsliðsins, bað þjálfarateymi Albaníu afsökunar í gær og nú hefur forsetinn beðist innilegrar afsökunar.

Edi Rami, forsætisráðherra Albaníu, greindi frá afsökunarbeiðni Macron á Twitter í dag.

Frakkland vann Albaníu 4-1. Kingsley Coman skoraði tvö og þá skoruðu þeir Olivier Giroud og Jonathan Ikone sitt hvort markið.