Markvörðurinn Joan García var gríðarlega eftirsóttur síðasta sumar en skipti að lokum frá Espanyol til nágrannaliðs Barcelona.
Börsungar greiddu upp riftunarákvæðið í samningi García sem hljóðaði upp á 25 milljónir evra, en fleiri félög voru tilbúinn til að gera slíkt hið sama og var Newcastle United eitt þeirra.
Newcastle og Barcelona eigast við í 16-liða úrslitum Meistaradeildarinnar annað kvöld og svaraði García spurningum á fréttamannafundi í dag.
„Það er alltaf mikið af orðrómum en ég get sagt ykkur eitt: Um leið og ég vissi af áhuga frá Barcelona þá var ekkert annað í stöðunni en að fara þangað. Ekki spurning," sagði García.
Hansi Flick þjálfari Barcelona svaraði einnig spurningum og var meðal annars spurður út í opinber rifrildi Xavi Hernández, forvera hans í þjálfarastarfinu, við Joan Laporta, forseta félagsins, í fjölmiðlum síðustu daga.
„Við erum kollegar og eigum í góðu sambandi. Ég hef heimsótt hann og við höfum rætt um liðið, en það er einkamál á milli okkar.
„Ég þekki sannleikann í þessu máli og ætla að halda honum útaf fyrir mig. Ég mun ekki að tjá mig frekar um málið."
09.03.2026 19:07
Laporta svarar: Xavi er að láta nota sig
Athugasemdir
