Á þriðjudag munu leikmannahópar og starfslið FH og Stjörnunnar fljúga saman til Írlands.
Á fimmtudag spila liðin seinni leiki sína í Sambandsdeildinni og eru andstæðingar beggja liða frá Írlandi. Hóparnir fljúga svo saman heim eftir leikina á fimmtudag.
Á fimmtudag spila liðin seinni leiki sína í Sambandsdeildinni og eru andstæðingar beggja liða frá Írlandi. Hóparnir fljúga svo saman heim eftir leikina á fimmtudag.
FH mætir Sligo Rovers klukkan 17:00 á íslenskum tíma og Stjarnan mætir Bohemians klukkan 18:45 á íslenskum tíma.
FH spilar í bænum Sligo þar sem búa ríflega nítján þúsund manns. Stjarnan spilar á þjóðarleikvangi Íra í Dublin.
FH leiðir einvígið gegn Sligo með einu marki gegn engu því Steven Lennon skoraði fyrir FH undir lok leiksins í gær. Staðan í einvígi Stjörnunnar og Bohemians er 1-1, Emil Atlason kom Stjörnunni yfir í gær en Írarnir jöfnuðu í seinni hálfleik.
Athugasemdir