Rio Ngumoha skoraði annað deildarmark sitt á tímabilinu
Hinn 17 ára gamli Rio Ngumoha skoraði annað deildarmark sitt fyrir Liverpool á tímabilinu er hann kom liðinu í 1-0 forystu gegn Fulham á Anfield og bætti Mohamed Salah við öðru aðeins fáeinum mínútum síðar.
Liverpool-liðið var líflegt fyrstu mínúturnar og vantaði bara upp á herslumuninn fræga til þess að ná inn marki.
Það gerði Ngumoha. Hann fékk boltann vinstra megin frá Florian Wirtz, tók nokkrar gabbhreyfingar áður en hann stýrði boltanum með hægri fæti í hægra hornið. Bernd Leno reyndi að teygja sig út í boltann en skotið var öruggt og hnitmiðað.
Sjáðu markið hjá Ngumoha
Nokkrum mínútum síðar bætti Mohamed Salah við öðru marki Liverpool.
Ngumoha átti sendingu inn á teiginn á Cody Gakpo sem framlengdi hann áfram á Salah sem skrúfaði boltanum síðan neðsti í vinstra hornið. Mikil gleði hjá Salah sem var að gera sjötta mark sitt á tímabilinu.
Sjáðu markið hjá Salah
