Jökull Elísabetarson, þjálfari Stjörnunnar
Jökull Elísabetarson, þjálfari Stjörnunnar, segist búast við mjög erfiðum leik þegar liðið heimsækir KA í 1. umferð Bestu deildarinnar í dag.
Stjörnumenn byrja á Greifavellinum en þeir koma með mjög spennandi hóp inn í mótið og er alveg óhætt að segja að KA-menn geri það líka.
Jökull var mættur í höfuðstöðvar KSÍ á dögunum þegar dregið var í 16-liða úrslit Mjólkurbikarsins og ræddi þar fyrsta leik Stjörnumanna í Bestu deildinni.
„Mér líst vel á það og sýnist spáin vera góð, sem er það eina sem maður er hræddur um og aftur hefði maður viljað vera nær fólkinu okkar þannig það gætu verið fleiri Stjörnumenn á vellinum.“
„Þetta verður erfiður leikur. Þeir eru með gott lið og búnir að sækja áhugaverða leikmenn og þeir verða erfiðir í byrjun móts. Ég held að þeir eru ekki að fara inn í mót eins og þeir hafa gert síðustu tvö ár. Þeir hafa lært af því og þetta verður hörkuleikur,“ sagði Jökull við Fótbolta.net.
Hann segir stöðuna á hópnum vera nokkuð góða og að lang flestir séu klárir í slaginn.
„Einhverjir eru með hnjask og einhverjir að skríða saman en lang flestir verða klárir í leikinn,
