Aron Einar var sáttur með þá sem komu inn.
Aron Einar Gunnarsson, landsliðsfyrirliði Íslands, var nokkuð sáttur þrátt fyrir 3-1 tap gegn Belgíu í vináttulandsleik í kvöld.
Íslenska liðið átti fínan leik en þurfti samt sem áður að lúta í lægra haldi gegn sterku liði heimamanna, sem spilaði á sínum sterkustu mönnum á meðan Ísland gerði talsverðar breytingar.
Íslenska liðið átti fínan leik en þurfti samt sem áður að lúta í lægra haldi gegn sterku liði heimamanna, sem spilaði á sínum sterkustu mönnum á meðan Ísland gerði talsverðar breytingar.
,,Þetta var erfitt. Við vörðumst vel og náðum að skapa okkur nokkur góð færi líka og það var jákvætt," sagði Aron Einar eftir leikinn.
,,Það voru leikmenn þarna sem voru að gera vel í kvöld sem hafa ekki verið að spila mikið, það var virkilega jákvætt. Lars og Heimir sögðu fyrir leik að þeir væru að fara að gera breytingar og leyfa leikmönnum sem ekki hafa spilað mikið að spila í kvöld, og mér fannst þeir gera vel."
,,Mér sýndist Courtois fá mann leiksins í belgíska sjónvarpinu, það sýnir það að við vorum að skapa færi. Hann hélt okkur úr leiknum í rauninni. Aftur á móti var Ömmi frábær í fyrri hálfleik, en við náðum að skapa okkur færi og það var jákvætt."
