Finnur Tómas Pálmason, varnarmaður KR, hefur gert fjögurra ára samning við sænska félagið IFK Norrköping.
„Ég er mjög ánægður með að vera hér," sagði Finnur eftir undirskriftina í dag.
„Margir Íslendingar hafa spilað með IFK Norrköping og ég hef heyrt svo mikið gott um félagið. Ég vil bæta sem leikmaður og hjálpa liðinu að standa sig vel."
„Ég er mjög ánægður með að vera hér," sagði Finnur eftir undirskriftina í dag.
„Margir Íslendingar hafa spilað með IFK Norrköping og ég hef heyrt svo mikið gott um félagið. Ég vil bæta sem leikmaður og hjálpa liðinu að standa sig vel."
Finnur Tómas skaust fram á sjónarsviðið sumarið 2019 þegar hann varð lykilmaður í vörn KR þegar liðið varð Íslandsmeistari.
Samtals hefur Finnur spilað 31 leik í Pepsi Max-deildinni undanfarin tvö ár en hann á einnig 23 leiki að baki með yngri landsliðum Íslands.
Norrköping endaði í 6. sæti í sænsku úrvalsdeildinni á síðasta tímabili en Ísak Bergmann Jóhannesson er á meðal leikmanna liðsins.
Félagið hefur verið með marga Íslendinga innan sinna raða undanfarin ár en Arnór Ingvi Traustason og Arnór Sigurðsson slógu meðal annars báðir í gegn hjá félaginu.
Välkommen till IFK Norrköping ✍️🇮🇸
— IFK Norrköping (@ifknorrkoping) January 13, 2021
⚪️🔵#ifknorrköping pic.twitter.com/YzsAzHqpwE
Athugasemdir