Spænski þjálfarinn var í viðtali hjá Che Tempo Che Fa og talaði þar um framtíðina og fréttir um að hann hafi þegar samþykkt að taka við enska landsliðinu.

„Þetta er ekki satt. Ég er stjóri Manchester City,“ sagði Guardiola.

Guardiola hefur unnið deildina sex sinnum hjá Man City og varð í maí fyrsta liðið til að vinna hana fjórum sinnum í röð. TItlarnir eru átján talsins, ef samfélagsskjöldurinn er tekinn með, en það er algerlega óvíst hvort hann verði áfram á næstu leiktíð.

„Ég hef ekki ákveðið neitt og því getur allt gerst. Ég veit ekki hvað mun gerast. Sjáum hvað framtíðin ber í skauti sér. Ég þarf að hugleiða og ákveða síðan hvað ég vil gera,“ sagði Guardiola.