Tvö ár frá því að Aserbaísjan vann keppnisleik
Íslenska liðið á æfingu í gær.
Mynd: Fótbolti.net - Elvar Geir Magnússon
Íslenska liðið á æfingu í gær.
Mynd: Fótbolti.net - Elvar Geir Magnússon
Íslenska landsliðið mætir Aserbaísjan á Neftci leikvangnum í Bakú í undankeppni HM eftir um hálftíma. Aserbaísjan er á botni riðilsins með eitt stig, sem kom eftir jafntefli gegn Úkraínu í Bakú.
Liðið hefur ekki unnið keppnisleik í rúm tvö ár, en síðasti sigurinn kom gegn Svíþjóð haustið 2023. Liðið er því án sigurs í ellefu keppnisleikjum í röð.
Fernando Santos var látinn fara eftir stórsigur Íslands á Aserbaísjan á Laugardalsvelli í haust en U21 landsliðsþjálfarinn Aykhan Abbasov hefur stýrt liðinu eftir brottrekstur Santos.
Ísland þarf sigur á eftir til að vera öruggt með úrslitaleik gegn Úkraínu í lokaumferðinni um sæti í umspilinu. Ef Úkraína tapar gegn Frakklandi mun Íslandi hins vegar nægja jafntefli gegn Úkraínu.
