Milan 0 - 1 Parma
0-1 Mariano Troilo ('80)
0-1 Mariano Troilo ('80)
AC Milan tók á móti Parma í efstu deild ítalska boltans í dag og þurfti sigur til að halda í við topplið Inter eftir sjöunda sigur nágrannaliðsins í röð.
Rafael Leao og Christian Pulisic byrjuðu saman í framlínunni en þeim tókst ekki að skora mark. Milan var sterkara liðið stærsta hluta leiksins en boltinn rataði ekki í netið. Ruben Loftus-Cheek var í byrjunarliði Milan en meiddist illa eftir ljótan árekstur við markvörð Parma snemma leiks og var borinn af velli.
Parma fékk lítið af færum en eitt slíkt kom eftir hornspyrnu á 80. mínútu sem Mariano Troilo skallaði í netið. Dómarinn dæmdi upprunalega sóknarbrot, en kollegar hans í VAR-herberginu báðu hann um að fara í skjáinn.
Eftir nokkrar mínútur í skjánum tók Marco Piccinini ákvörðun um að snúa ákvörðun sinni við. Ekkert sóknarbrot og því dæmt mark.
Milan tókst ekki að skapa mikla hættu þrátt fyrir sóknarþunga sinn á lokakaflanum, svo lokatölur urðu 0-1 fyrir Parma.
Þetta er þriðji sigur Parma í röð sem fer langa leið með að tryggja liðinu sæti í efstu deild fyrir komandi tímabil.
Milan situr áfram í öðru sæti, tíu stigum á eftir Inter þegar tólf umferðir eru eftir af tímabilinu.
Þetta hefur verið frábær dagur fyrir Inter í titilbaráttunni þar sem bæði Milan og Napoli, sem sitja í öðru og þriðja sæti, töpuðu sínum leikjum eftir að Inter lagði Lecce að velli í gær.
Athugasemdir
