Það var nóg um að vera í franska boltanum í dag þar sem Lille komst aftur á sigurbraut eftir sex deildarleiki án sigurs.
Hákon Arnar Haraldsson var bekkjaður en fékk að spila síðustu 20 mínúturnar í sigri gegn Angers. Olivier Giroud skoraði eina mark leiksins úr vítaspyrnu undir lok fyrri hálfleiks.
Lille er í fimmta sæti með 37 stig eftir sigurinn, þremur stigum frá meistaradeildarsæti.
Strasbourg tók þá á móti Lyon og tókst að binda enda á ótrúlegu sigurhrinu andstæðinga sinna. Lyon hafði unnið 13 leiki í röð í öllum keppnum en réðu ekki við Strasbourg í dag.
Heimamenn í Strasbourg voru talsvert sterkara liðið og unnu 3-1 eftir mörk frá Martial Godo, Diego Moreira og Joaquin Panichelli.
Strasbourg er í sjöunda sæti með 34 stig, sex stigum frá meistaradeildarsæti þegar ellefu umferðir eru eftir.
Í öðrum leikjum dagsins gerðu Nice og Lorient 3-3 jafntefli og þá skoraði Mahdi Camara tvennu í þægilegum sigri Rennes gegn Auxerre. Nantes hafði að lokum betur gegn Le Havre.
Angers 0 - 1 Lille
0-1 Olivier Giroud ('45+2, víti)
Strasbourg 3 - 1 Lyon
1-0 Martial Godo ('37)
2-0 Diego Moreira ('52)
2-1 Corentin Tolisso ('59)
3-1 Joaquin Panichelli ('83, víti)
Nice 3 - 3 Lorient
Auxerre 0 - 3 Rennes
Nantes 2 - 0 Le Havre
Athugasemdir
