Rob Edwards þjálfari Wolves var svekktur eftir naumt tap gegn Crystal Palace í ensku úrvalsdeildinni í gær.
Úlfarnir sýndu flotta takta og fengu færi til að taka forystuna en klúðruðu þeim. Dean Henderson varði vítaspyrnu frá Tolu Arokodare undir lok fyrri hálfleiks og lét Ladislav Krejci reka sig af velli þegar hann fékk tvö gul spjöld með stuttu millibili í síðari hálfleiknum.
Evann Guessand skoraði sigurmark fyrir Palace á lokamínútunum svo lokatölur urðu 1-0.
„Það voru tvö atvik sem breyttu þessum leik fyrir okkur. Fyrst þegar við klúðruðum vítaspyrnunni, sem getur gerst, og svo rauða spjaldið sem breytti gangi leiksins," sagði Edwards við fréttamenn eftir tapið.
„Okkur leið mjög vel 11 gegn 11 og við vorum líka góðir eftir að við misstum mann af velli, en þeir skoruðu á einu andartaki þegar við misstum einbeitinguna.
„Ég hélt að við myndum vinna þennan leik. Skilaboðin frá mér í hálfleik voru að við ætluðum ekki að sætta okkur við stig, við ætluðum að stíga upp og sækja sigurinn. Það vantaði bara uppá lokasendinguna en frammistaða leikmanna var yfir heildina litið mjög góð. Þetta er skref í rétta átt fyrir okkur þó að úrslitin hafi verið neikvæð."
Edwards var að lokum spurður út í rauða spjaldið.
„Við verðum að vera betri en þetta, þetta er klaufalegt. Hann (Ladislav Krejci) verður að læra af þessu. Orsökin er bara pirringur en hann má ekki gera þetta. Hann hefur verið frábær fyrir okkur en þetta kostaði okkur. Ég get ekki varið þetta."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 30 | 15 | 9 | 6 | 54 | 41 | +13 | 54 |
| 4 | Aston Villa | 30 | 15 | 6 | 9 | 40 | 37 | +3 | 51 |
| 5 | Liverpool | 30 | 14 | 7 | 9 | 49 | 40 | +9 | 49 |
| 6 | Chelsea | 30 | 13 | 9 | 8 | 53 | 35 | +18 | 48 |
| 7 | Brentford | 30 | 13 | 6 | 11 | 46 | 42 | +4 | 45 |
| 8 | Everton | 30 | 12 | 7 | 11 | 34 | 35 | -1 | 43 |
| 9 | Newcastle | 30 | 12 | 6 | 12 | 43 | 43 | 0 | 42 |
| 10 | Bournemouth | 30 | 9 | 14 | 7 | 44 | 46 | -2 | 41 |
| 11 | Fulham | 30 | 12 | 5 | 13 | 40 | 43 | -3 | 41 |
| 12 | Brighton | 30 | 10 | 10 | 10 | 39 | 36 | +3 | 40 |
| 13 | Sunderland | 30 | 10 | 10 | 10 | 30 | 35 | -5 | 40 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 30 | 7 | 11 | 12 | 37 | 48 | -11 | 32 |
| 16 | Tottenham | 30 | 7 | 9 | 14 | 40 | 47 | -7 | 30 |
| 17 | Nott. Forest | 30 | 7 | 8 | 15 | 28 | 43 | -15 | 29 |
| 18 | West Ham | 30 | 7 | 8 | 15 | 36 | 55 | -19 | 29 |
| 19 | Burnley | 30 | 4 | 8 | 18 | 32 | 58 | -26 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
