Unnur Elva er fædd 1998 og var valin knattspyrnukona ársins hjá ÍR í fyrra þar sem hún var markahæst með 7 mörk í 15 leikjum í 2. deild.

Unnur er fyrirliði ÍR og eru þetta frábærar fregnir fyrir alla stuðningsmenn félagsins.

„Unnur er gríðaröflugur framherji, klókur leikmaður og verulega góð að klára færi. Hún getur skorað alls konar mörk, báðir fætur öflugir, líkamlega sterk og með gott markanef," sagði Engilbert Friðfinnsson, þjálfari ÍR.

„Svo er það ekki síður mikilvægt fyrir okkur að hafa hana í okkar hópi út frá því hversu öflug hún er innan hópsins, þar er hún mikill leiðtogi enda hefur hún borið fyrirliðabandið hjá okkur nú í leikjum vetrarins. Við þjálfararnir erum mjög ánægð með það að Unnur verður í ÍR næstu árin!"