Jonas Eidevall hætti í morgun sem aðalþjálfari kvennaliðs Arsenal. Hann vann deildabikarinn tvívegis sem þjálfari liðsins en hann var þjálfari þess í þrjú ár.
Eidevall er 41 árs Svíi sem kom frá Rosengård árið 2021. Hann skilur við Arsenal í sjötta sæti sem er ekki ásættanleg staða hjá Arsenal. Eftir fjóra leiki í deildinni hefur liðið einungis unnið einn leik.
Eidevall er 41 árs Svíi sem kom frá Rosengård árið 2021. Hann skilur við Arsenal í sjötta sæti sem er ekki ásættanleg staða hjá Arsenal. Eftir fjóra leiki í deildinni hefur liðið einungis unnið einn leik.
Síðasti leikur Eidvall við stýrið var gegn Chelsea í gær þar sem ensku meistararnir í Chelsea unnu 2-1 útisigur.
Tapið kom á eftir 5-2 tapi gegn Bayern Munchen í Meistaradeildinni í miðri viku. Glódís Perla Viggósdóttir skoraði eitt af mörkum Bayern í leiknum en hún lék undir stjórn Eidevall hjá Rosengård áður en hún hélt til Þýskalands.
Renee Slegers, aðstoðarþjálfari liðsins, tekur við sem bráðabirgða á meðan leitað er að næsta aðalþjálfara.
Athugasemdir
