„Mér líður stórkostlega. Ég var hálf hræður hér áðan þegar dómarinn flautaði. Mér fannst við vera frábærir í þessum leik," sagði Rúnar Kristinsson, þjálfari KR, í viðtali eftir sigur sinna manna gegn Val í kvöld.

Sigurinn gerir það að verkum að KR er Íslandsmeistari í 27. sinn.

Lestu um leikinn: Valur 0 -  1 KR

„Ég er ofboðslega ánægður fyrir hönd strákanna og félagsins að við séum búnir að hampa Íslandsmeistaratitlinum aftur."

Sýndu KR-ingar ekki í dag að þeir eru langbesta lið landsins?

„Ég held að við höfum gert það. Við höfum verið hvað jafnastir allra liða í allt sumar. Við sýnum á erfiðum útivelli í dag, á móti mjög góðu Valsliði, að við erum í fínu formi. Þetta var frábær leikur hjá okkur og synd að við skoruðum ekki fleiri mörk."

„Við vildum klára þetta sjálfir og við gerum það með stæl á Valsvellinum, við höfum gert það áður og ég er bara ánægður með það."

Að lokum var Rúnar spurður út í sögusagnir að hann væri að fara aftur erlendis í þjálfun. Hann svaraði þeirri spurningu neitandi.

Viðtalið er í heild sinni hér að ofan.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit