JJ Gabriel.
Michael Carrick var viðstaddur þegar hinn 15 ára gamli JJ Gabriel átti stórleik fyrir U18 lið Manchester United gegn Oxford í gær.
Gabriel, sem hefur vakið mikla athygli með unglingaliðum United, skoraði glæsilegt mark og sýndi mjög flotta takta.
Gabriel, sem hefur vakið mikla athygli með unglingaliðum United, skoraði glæsilegt mark og sýndi mjög flotta takta.
Oliver Holt, blaðamaður Daily Mail, var á leiknum og hann sparaði ekki stóru orðin um þennan efnilega leikmann.
„Ég hef horft á alla efnilegustu leikmenn Englands síðustu 30 árin en ég mun aldrei gleyma því þegar ég horfði á JJ Gabriel í fyrsta sinn. Þessi sérstaki 15 ára leikmaður er framtíðarstjarna," skrifar Holt í grein sinni.
„Þessi strákur á skilið að hafa áhorfendur fyrir allt það sem hann gerir í leiknum."
Gabriel byrjaði að æfa með aðalliði Man Utd þegar hann var aðeins 14 ára gamall. Barcelona hefur sýnt honum mikinn áhuga en United vonast til þess að halda þessari vonarstjörnu í sinni röðum.
Hér fyrir neðan má sjá mark hans gegn Oxford í gær.
???????????? JJ Gabriel scores an INCREDIBLE goal for Manchester United Under-18s against Oxford United in the FA Youth Cup! WOW! #MUFC [@UnitedAnalyst7] ?????? pic.twitter.com/CjjT5OOMye
— mufcmpb (@mufcMPB) February 18, 2026
Athugasemdir
