María Catharina er öflugur sóknarmaður sem oftast lék á hægri kantinum hjá Þór/KA á liðinni leiktíð. Hún er fædd árið 2003 og hefur leikið yfir þrjátíu leiki fyrir yngri landslið Íslands.
Hún skoraði þrjú mörk síðasta sumar og var á dögunum valin í úrtakshóp fyrir U19 landsliðið. Hún sýnir í dag á sér hina hliðina.
Hún skoraði þrjú mörk síðasta sumar og var á dögunum valin í úrtakshóp fyrir U19 landsliðið. Hún sýnir í dag á sér hina hliðina.
Fullt nafn: Maria Catharina Ólafsd. Gros
Gælunafn: Mamma kallar mig stundum Mia
Aldur: Verð 18 ára í febrúar
Hjúskaparstaða: föstu
Hvenær lékstu þinn fyrsta leik með meistaraflokki: febrúar 2018
Uppáhalds drykkur: bara vatn
Uppáhalds matsölustaður: Rub23 á Akureyri
Hvernig bíl áttu: Suzuki Swift
Uppáhalds sjónvarpsþáttur: Gossip Girl og Desperate housewives
Uppáhalds tónlistarmaður: Get ekki valið einn
Uppáhalds hlaðvarp: Sölvi Tryggva eða Snörri Björns
Fyndnasti Íslendingurinn: Auddi, Steindi og Gillz
Hvað viltu í bragðarefinn þinn: Kökudeig, þrist og jarðarber
Hvernig hljómar síðasta sms sem þú fékkst: 'oh' frá pabba
Hvaða liði myndir þú aldrei spila með: Aldrei segja aldrei
Besti leikmaður sem þú hefur mætt: Margrét Lára
Besti þjálfarinn sem hefur þjálfað þig: Hef haft mjög marga en bestu eru Andri Hjörvar, Garðar Marvin og Bojana
Mest óþolandi leikmaður sem þú hefur mætt: Cecilía er óþolandi góð í marki
Sætasti sigurinn: Á NM 2019 þegar við náðum að jafna Þýskaland eftir að hafa verið 3-0 undir og unnum svo í vító
Mestu vonbrigðin: Að ég mátti ekki koma inná með Þór/KA í Champions league því ég var of ung
Uppáhalds lið í enska: Manchester United
Ef þú fengir að velja einn leikmann úr öðru íslensku liði í þitt lið: Andreu Marý
Efnilegasti knattspyrnumaður/kona landsins: Cecilía
Fallegasti knattspyrnumaðurinn á Íslandi: Veit ekki
Fallegasta knattspyrnukonan á Íslandi: Sandra María Jessen
Besti knattspyrnumaðurinn frá upphafi: Messi
Hver er mesti höstlerinn í liðinu: Engin sem mér dettur í hug
Uppáhalds staður á Íslandi: Akureyri
Segðu okkur frá skemmtilegu atviki sem gerst hefur í leik: Hélt einu sinni að dómarinn hefði dæmt horn en það var markspyrna og ég var búin að stilla mér upp við stöngina
Ertu með einhverja hjátrú tengda fótbolta: Nei
Fyrir utan knattspyrnu, fylgist þú með öðrum íþróttum: Mér finnst gaman að horfa á skíði
Í hvernig fótboltaskóm spilar þú: Nike
Í hverju varstu/ertu lélegastur í skóla: Hef átt erfitt með íslensku
Vandræðalegasta augnablik: Þegar Jöri landsliðsþjálfari setti mynd af mér upp á vegg sem mér líkaði ekki eftir liðsfund
Hvaða þrjá leikmenn tækir þú með þér á eyðieyju: Myndi taka þrjár af eftirfarandi: Cecilíu, Jakobínu, Ólöfu Sigríði og/eða Bryndísi Örnu
Sturluð staðreynd um sjálfan þig: Hef keppt á landsmóti hestamanna
Hvaða samherji hefur komið þér mest á óvart eftir að þú kynntist honum og af hverju: Kom mér á óvart hvað Cecilía er fyndin
Hverju laugstu síðast: Sagði við Jakobínu 'flott skot'
Hvað er leiðinlegast að gera á æfingum: Upphitun og hlaup án bolta
Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Myndi spyrja Kim K hvort að hún og Kanye væru að skilja eða hvort þetta sé bara orðrómur.
Athugasemdir