Framtíð Guðmunds Þórarinssonar hefur verið mikið í umræðunni að undanförnu eftir að samningur hans við New York City rann út eftir sigur í MLS deildinni.
Gummi hefur verið orðaður við ýmis lið og þá aðallega í Skandinavíu og virðist að öllum líkindum vera að á leið til Álaborgar.
Ekstra Bladet í Danmörku segir Gumma vera búinn að skrifa undir eins og hálfs árs samning við Álaborg, sem er fimm stigum eftir toppliði FC Kaupmannahafnar í dönsku toppbaráttunni.
Gummi er 29 ára gamall og býr yfir reynslu úr danska boltanum eftir að hafa spilað fyrir FC Nordsjælland frá 2014 til 2016. Hann hefur einnig spilað í norska boltanum og sænska auk bandaríska.
Gummi er fjölhæfur leikmaður og á tólf leiki að baki fyrir íslenska landsliðið. Hann á að leysa Frederik Børsting af hólmi sem gengur til liðs við Brann í sumar.
Sjá einnig:
Gummi Tóta á leið í læknisskoðun hjá Álaborg
