Sjö þjálfarar koma til greina sem þjálfari ársins en FIFA opinberaði tilnefningarnar í dag.
Argentína er með tvo fulltrúa, þá Lionel Scaloni og Diego Simeone en Scaloni vann Suður-Ameríkubikarinn með argentínska landsliðinu á meðan Simeone stýrði Atlético Madríd til sigurs í spænsku deildinni.
Thomas Tuchel, stjóri Chelsea, er á listanum eftir að liðið vann Meistaradeild Evrópu. Pep Guardiola, Antonio Conte og Roberto Mancini fá þá allir pláss á listanum.
Guardiola gerði Manchester City að Englandsmeisturum og þá vann liðið enska deildabikarinn. Antonio Conte gerði Inter að ítölskum meisturum og Roberto Mancini vann Evrópumótið með Ítalíu.
Athugasemdir