Íslenska U-21 árs landsliðið tapaði í dag 1-2 fyrir Tékklandi í fyrri leik liðanna í umspilinu um sæti á EM U-21 árs sem er á næsta ári.
Kolbeinn Þórðarson var til viðtals eftir leik hjá Fótbolta.net, hvernig metur hann þessi úrslit að fara til Tékklands með tap á bakinu?
"Klárlega eitthvað sem við ætluðum ekki að gera, mér fannst við fá svolítið ódýr mörk á okkur, sérstaklega fyrra markið. Svona er bara fótbolti og við förum með sjálfstraust til Tékklands. Við sáum það í þessum leik að þegar við spilum af krafti og látum boltan fljóta og þorum að spila fram á við þá eiga þeir engin svör við því sem við erum að gera"
Kolbeinn Þórðarson var til viðtals eftir leik hjá Fótbolta.net, hvernig metur hann þessi úrslit að fara til Tékklands með tap á bakinu?
"Klárlega eitthvað sem við ætluðum ekki að gera, mér fannst við fá svolítið ódýr mörk á okkur, sérstaklega fyrra markið. Svona er bara fótbolti og við förum með sjálfstraust til Tékklands. Við sáum það í þessum leik að þegar við spilum af krafti og látum boltan fljóta og þorum að spila fram á við þá eiga þeir engin svör við því sem við erum að gera"
Lestu um leikinn: Ísland U21 1 - 2 Tékkland U21
Það var samt ekki mikið um það sem Kolbeinn nefnir, spila fram á við og láta boltan fljóta mikið þar sem íslenska liðið skapaði sér lítið í leiknum, aðallega undir lokin þegar Tékkarnir voru varnir að verja forystuna.
"Nei það vantaði smá upp á síðustu sendingarnar, vorum oft komnir í fínar stöður við teigin hjá þeim en svo varð bara ekkert úr því og þetta er bara eitthvað sem við verðum að skoða fyrir næsta leik og ég lofa þér því við munum skapa fullt af færum í næsta leik"
Kolbeinn er nýstiginn upp úr erfiðum meiðslum aftan í læri og hann fór út af seint í seinni hálfleik, var það lærið að hrjá hann?
"Nei ég finn ekkert til í lærinu, ég fann bara að ég væri kominn með krampa og strauma í báða kálfana og bæði lærin og ég var orðinn bara aðeins of þreyttur til þess að halda áfram"
Viðtalið má sjá í heild sinni hér fyrir ofan en þar talar Kolbeinn um tíma sinn hjá Lommel og hafði hann áhugaverða hluti að segja um það.
Athugasemdir