Pólska markamaskínan Robert Lewandowski kom Bayern München á bragðið gegn Dynamo Kiev í Meistaradeildinni í kvöld.
Markið sem hann skoraði í snjókomunni í Úkraínu var svo sannarlega ekki af verri gerðinni.
Það er hægt að skoða það með því að smella hérna.
Lewandowski hefur skorað í níu leikjum í röð í Meistaradeildinni og er fyrsti leikmaðurinn í sögunni sem gerir það tvisvar; að skora í níu leikjum í röð eða meira í þessari frábæru keppni.
Á Lewandowski skilið Ballon d'Or?
Lewandowski er einn besti sóknarmaður í heimi, ef ekki sá besti. Hann hefði eflaust unnið Ballon d'Or gullknöttinn ef verðlaunum hefði ekki verið aflýst vegna kórónveirufaraldursins. Það var furðulegt að aflýsa verðlaunum þar sem fótboltinn hélt áfram á endanum.
Í næstu viku verða verðlaunin afhent besta leikmanni í heimi árið 2021. Verður það Lewandowski? Hann gerir sterkt tilkall þar sem hann hefur átt stórkostlegt ár með Bayern og skorað í hverjum leiknum á fætur öðrum. Líklegra þykir þó að Lionel Messi fái verðlaunin, en það verður að koma í ljós hvað gerist.
Robert Lewandowski has scored in 9 successive Champions League matches for the 2nd time in his career 🤯#UCL pic.twitter.com/zDKPfpIKnA
— UEFA Champions League (@ChampionsLeague) November 23, 2021
Athugasemdir