Victor Osimhen, stjörnuleikmaður Napoli, var langt frá því að vera sáttur þegar Rudi Garcia þjálfari ákvað að skipta honum af velli á lokamínútum 0-0 jafnteflis Napoli á útivelli gegn Bologna í dag.
Osimhen átti ekki góðan leik þar sem hann klúðraði besta færi leiksins þegar hann steig á vítapunktinn á 72. mínútu en skaut framhjá.
Framherjanum öfluga var skipt útaf fyrir Giovanni Simeone á 86. mínútu og brást hann reiðilega við áður en hann settist á bekkinn.
Byrjunin á nýju tímabili hefur verið gríðarlega erfið fyrir Napoli eftir að félagið missti Kim Min-jae og Luciano Spalletti frá sér í sumar. Giovanni Di Lorenzo, fyrirliði Napoli, gagnrýndi Osimhen í viðtali að leikslokum og sagði að svona hegðun væri ekki hjálpsamleg á viðkvæmum tímapunkti fyrir félagið.
Ítalíumeistarar Napoli eru með átta stig eftir fimm umferðir á nýju tímabili.
Victor Osimhen angry after being substituted vs Bologna
byu/No_Neck1854 insoccer
