Guðlaugur Victor Pálsson hefur gert tveggja ára samning við DC United í MLS deildinni í Bandaríkjunum. Félagið hefur möguleika á því að framlengja samninginn um ár til viðbótar.
Hann kemur til liðsins frá Schalke í Þýskalandi þar sem hann var fyrirliði þegar liðið tryggði sér sæti í efstu deild á komandi leiktíð.
Wayne Rooney tók við DC United á dögunum en hann lék sjálfur með liðinu undir lok ferilsins. Það bárust sögur af því fyrir stuttu að hann væri að næla í Guðlaug og nú er það staðfest.
Guðlaugur þekkir til í MLS deildinni en hann spilaði með New York Red Bulls árið 2012 en Thierry Henry og Rafael Marquez voru þá meðal leikmanna liðsins.
DC United er á botninum í austurdeildinni þegar fjórtán umferðir eru eftir en liðið hafnaði í 8. sæti af fjórtán á síðustu leiktíð.
No. 44 ✨
— D.C. United (@dcunited) July 27, 2022
Ready to rep the DMV 🤩 pic.twitter.com/l4F6WDfzvZ
