Fullt nafn: Rúnar Gissurarson

Gælunafn: Rooney, rúnki, runar g

Aldur: 36

Hjúskaparstaða: lausu

Hvenær lékstu þinn fyrsta leik með meistaraflokki: 28 júní 2010 með þrótt vogum í 3-1 tapi vs Berserkjum þar sem að kóngurinn Einar Guðnason setti 2 í grillið á mér.

Uppáhalds drykkur: pepsi max

Uppáhalds matsölustaður: joe & and the juice, tunacado á minn disk, takk

Hvernig bíl áttu: Kia

Uppáhalds sjónvarpsþáttur: Var að klára EXIT, klikkaðir þættir. Svo er ég mikill Love Island maður

Uppáhalds tónlistarmaður: Bræðurnir Jón Jónsson og Frikki Dór eru í miklu uppáhaldi

Uppáhalds hlaðvarp: Dr. Football

Fyndnasti Íslendingurinn: blö-kast bræðurnir, ekkert eðlilega fyndnir

Hvernig hljómar síðasta sms sem þú fékkst: Tu matt saekja pontunina kl: 18:44 Fitjar.

Kvedja Domino's Pizza.

Hvaða liði myndir þú aldrei spila með: Ekki að ég ætti einhvern möguleika, en eina sem kemur í hugann á mér eru ógeðin í Tottenham

Besti leikmaður sem þú hefur mætt: Gary Martin

Besti þjálfarinn sem hefur þjálfað þig: Keflavíkur crewið, Siggi Raggi, Halli Gumm og Ómar Jó, geggjaðir

Mest óþolandi leikmaður sem þú hefur mætt: Bræðurnir Magnús Þórir Matthíasson og Einar Orri Einarsson

Hver var fyrirmyndin þín í­ æsku: Robbie Fowler

Sætasti sigurinn: Sigurinn vs Kórdrengjum í úrslitakeppninni í 4. deildinni 2018 var helvíti sætur, þegar við tryggðum okkur upp

Mestu vonbrigðin: Hafa kannski ekki áttað sig á því fyrr að maður gæti eitthvað í marki

Uppáhalds lið í enska: Glaður Arsenal maður í dag

Ef þú fengir að velja einn leikmann úr öðru íslensku liði í þitt lið: Bring Adam Páls back, how may I assist?

Efnilegasti knattspyrnumaður/kona landsins: Axel Ingi

Fallegasti knattspyrnumaðurinn á Íslandi: Marteinn Urbancic er ekkert eðlilega fallegur drengur

Fallegasta knattspyrnukonan á Íslandi: Margar fallegar

Besti knattspyrnumaðurinn frá upphafi: Leo litli Messalingur

Hver er mesti höstlerinn í­ liðinu: Jordan Smylie

Uppáhalds staður á Íslandi: Golfvöllur Brautarholts í sól og blíðu, sjaldgæft, en þegar það gerist.. maður lifandi

Segðu okkur frá skemmtilegu atviki sem gerst hefur í leik: Reynir S. Voru að spila í undanúrslitum í .net mótinu í fyrra og voru markmannslausir. Þeir fengu leyfi frá Haukamönnum um það að ég mætti spila þann leik.

Haukar byrja með boltann, spila til baka og lúðra svo einum innfyrir, ég kem út úr teignum og öskra nafnið mitt, hafsentinn er kominn uppí skallaboltann á sama tíma og rétt strýkur boltann svo að hann breytir aðeins um stefnu, Haukamaðurinn hefði sloppið einn á móti markinu, ósjálfráð viðbrögð hjá mér eru þau að ég slæ boltann í burtu, king Tómas Meyer flautar að krafti í flautuna, beint í rassvasann og lyftir rauða kortinu.

Eftir langar og strangar samningsviðræður milli þjálfara liðana og dómarans dró Meyerinn rauða tilbaka og lyfti því gula, aukaspyrna og áfram með leikinn

Ertu með einhverja hjátrú tengda fótbolta: Neii, eða ekki beint hjátrú.. ég hendi yfirleitt airpods í eyrun rétt fyrir leik og hlusta á “heyr mína bæn” með Röggu Gröndal.

Fyrir utan knattspyrnu, fylgist þú með öðrum íþróttum: já fylgist með flest öllum íþróttum

Í hvernig fótboltaskóm spilar þú: Bara það sem ég kaupi hverju sinni, er að vinna með Nike eitthvað núna sem ég keypti í fyrra, keyri á þeim þangað til þeir gefa upp öndina. Svo spila ég í hönskum frá Rinat, alvöru gæði þar.

Í hverju varstu/ertu lélegastur í­ skóla: Dönsku

Vandræðalegasta augnablik: Þegar ég lét markmann skora á mig yfir nánast allan völlinn, hef aldrei langað eins mikið að láta mig hverfa á núll-einni á ævinni og þá

Hvaða þrjá leikmenn tækir þú með þér á eyðieyju og af hverju: Sindra Snæ, hugmyndin góð. Guðlaug Fannar, rífa aðeins upp stemninguna. Dag Inga, aðeins að æsa í hinum tveimur

Sturluð staðreynd um sjálfan þig: Var 115-120 kg og í neðstu deild á íslandi fyrir 5 árum síðan

Hvaða samherji hefur komið þér mest á óvart eftir að þú kynntist honum og af hverju: Hörður Sveinsson, hélt þetta væri grautleiðinlegur og hrokafullur gæji, hann er bara svo langt frá því, geggjaður!

Hverju laugstu síðast: “Neii gaur, ég fór ekkert í ljós, er bara ennþá tanaður eftir æfingaferðina”

Hvað er leiðinlegast að gera á æfingum: hita upp

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: ég myndi spyrja Mike Riley hvað í ands***** var að gerast í hausnum á honum þegar utd stoppaði 49 leikja runnið hjá Arsenal, ég er ennþa brjálaður

STUÐNINGSSVEIT
FÓTBOLTA.NET

Komdu í hópinn!

Framlag lesenda skiptir máli til að halda úti Fotbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit