Championship: Sunderland þurfti að sætta sig við jafntefli í fyrsta leik tímabilsins

Sunderland og Coventry City gerðu 1-1 jafntefli í 1. umferð í ensku B-deildinni í dag er liðin mættust á leikvangi ljóssins.

Jack Clarke gerði fyrsta mark Sunderland í endurkomunni í B-deildina með því að skalla fyrirgjöf Lynden Gooch í netið á 12. mínútu.

Coventry vann sig betur inn í leikinn og komst Jonathan Panzo, varnarmaður gestanna, nálægt því að skora úr aukaspyrnu en Anthony Patterson varði spyrnuna í slá.

Pressa liðsins skilaði sér með marki sex mínútum fyrir lok leiksins en það var Viktor Gyokeres sem gerði jöfnunarmarkið með hörkuskoti af 25 metra færi og í bláhornið.

Lokatölur 1-1 og bæði lið með eitt stig eftir fyrstu umferðina.