Þórir Hákonarson.
Í yfirlýsingu frá Miði.is kemur fram að sú ákvörðun um að hefja miðasölun um miðja nótt á landsleik Íslands og Króatíu hafi verið tekin af KSÍ.
Stangast það þvert á fullyrðingu Þóris Hákonarsonar, framkvæmdastjóra KSÍ. Þórir gaf út yfirlýsingu um málið í morgun þar sem hann baðst afsökunar og tók alla ábrygð á sig. Hann sagði hinsvegar að ákvörðunin hefði verið tekin í samráði við eigendur Miði.is.
,,Ljóst hefur verið í mjög langan tíma að eftirspurn eftir miðum yrði mun meiri en framboðið og því var ákveðið í samráði við eigenda miðasölukerfis, midi.is, að reyna að tryggja með einhverjum hætti að miðasölukerfið þyldi álagið sem augljóslega gæti orðið á það ef mikill fjöldi fólks reyndi að kaupa miða á sama tíma.," stóð í yfirlýsingu Þóris.
Stangast það þvert á fullyrðingu Þóris Hákonarsonar, framkvæmdastjóra KSÍ. Þórir gaf út yfirlýsingu um málið í morgun þar sem hann baðst afsökunar og tók alla ábrygð á sig. Hann sagði hinsvegar að ákvörðunin hefði verið tekin í samráði við eigendur Miði.is.
,,Ljóst hefur verið í mjög langan tíma að eftirspurn eftir miðum yrði mun meiri en framboðið og því var ákveðið í samráði við eigenda miðasölukerfis, midi.is, að reyna að tryggja með einhverjum hætti að miðasölukerfið þyldi álagið sem augljóslega gæti orðið á það ef mikill fjöldi fólks reyndi að kaupa miða á sama tíma.," stóð í yfirlýsingu Þóris.
Ólafur Thorarensen, framkvæmdastjóri Miði.is, skrifar undir yfirlýsinguna sem Mbl.is birti fyrir skömmu.
,,Að gefnu tilefni vill Miði.is koma eftirfarandi á framfæri. Miði.is tók að sér að selja miða á landsleik Íslands og Króatíu eins og aðra landsleiki fyrir KSÍ. Ákvörðun um hvenær miðarnir færu í sölu var alfarið á höndum KSÍ," segir í yfirlýsingunni frá Miði.is.
,,Sölukerfi Miði.is er sett upp til að þola gríðarlegt álag og þótt allir miðarnir á leikinn hafi selst upp á tæpum 4 klukkutímum komu engir hnökrar upp í kerfinu. Miði.is er bundinn trúnaði við KSÍ og getur engar upplýsingar gefið um fjölda miða eða annað sem snýr að miðasölu á þennan landsleik"
Athugasemdir
