Byrjunarlið Liverpool og Spurs: Salah byrjar

Klukkan 15:30 hefst lokaleikur dagsins þegar Liverpool tekur á móti Tottenham í stórleik helgarinnar í ensku úrvalsdeildinni. Takmarkað er þó undir í leiknum, Liverpool á lítinn möguleika á meistaratitlinum og líkurnar á Meistaradeildarsæti litlar hjá Tottenham. Liðin vilja þó halda í möguleikann á að eitthvað magnað gerist og ætla sér sigur í dag.

Jurgen Klopp, stjóri Liverpool, gerir eina breytingu frá jafnteflinu gegn West Ham. Mo Salah, sem reifst við stjórann á hliðarlínunni í síðasta leik, kemur inn fyrir Ryan Gravenberch sem tekur sér sæti á bekknum. Stefan Bajcetic er annan leikinn í röð á bekknum og gæti spilað sínar fyrstu mínútur með aðalliðinu í dag eftir meiðsli.