Það styttist í upphafsflautið á Lundúnaslag þar sem West Ham tekur á móti Chelsea á London Stadium.
Bæði lið eru í mikilli baráttu á lokakafla deildartímabilsins og er því hægt að búast við hörkuleik. Heimamenn í West Ham þurfa stig í fallbaráttunni á meðan Chelsea liggur undir þungri pressu í Meistaradeildarbaráttunni, þar sem Manchester United er á fleygiferð í næsta sæti fyrir neðan.
David Moyes gerir tvær breytingar á byrjunarliði Hamranna sem tapaði gegn Tottenham í síðustu umferð. Manuel Lanzini tekur stöðu Mark Noble framarlega á miðjunni og kemur Angelo Ogbonna aftur inn í varnarlínuna fyrir Fabian Balbuena.
Chelsea hefur verið að gera frábæra hluti að undanförnu og fá Tammy Abraham og Christian Pulisic báðir sæti í byrjunarliðinu. Abraham hefur verið frá vegna meiðsla og er að byrja sinn fyrsta úrvalsdeildarleik í fimm mánuði.
Chelsea er tveimur stigum fyrir ofan Man Utd í baráttunni um fjórða sætið.
West Ham: Fabianski, Fredericks, Diop, Ogbonna, Cresswell, Rice, Soucek, Fornals, Bowen, Lanzini, Antonio
Varamenn: Randolph, Johnson, Balbuena, Wilshere, Lewis, Yarmolenko, Anderson, X. Silva, Ajeti
Chelsea: Kepa, Azpilicueta, Rüdiger, Christensen, Alonso, Kante, Kovacic, Barkley, Willian, Abraham, Pulisic
Varamenn: Caballero, Zouma, James, Jorginho, Gilmour, Mount, Loftus-Cheek, Hudson-Odoi, Giroud
Athugasemdir
