Veigar Páll Gunnarsson.
Veigar Páll Gunnarsson, sóknarmaður Stjörnunnar, segir að öll pressan sé á FH fyrir úrslitaleik liðanna í Pepsi-deildinni sem fram fer í Kaplakrika klukkan 16:00 á morgun.
FH er tveimur stigum á undan Stjörnunni fyrir þennan magnaða leik, þar sem Íslandsmótið mun ráðast, og að mati Veigars hafa Garðbæingarnir allt að vinna.
FH er tveimur stigum á undan Stjörnunni fyrir þennan magnaða leik, þar sem Íslandsmótið mun ráðast, og að mati Veigars hafa Garðbæingarnir allt að vinna.
,,Þetta leggst bara vel í mig. Ég er spenntur fyrir leiknum og við lítum á þennan leik sem gleði og skemmtun frekar en að detta í einhvern stress pakka og skíta á sig í leiknum," sagði Veigar Páll við Fótbolta.net.
,,Að mínu mati er mun meiri pressa á FH-ingum. Ég lít á þetta þannig að þeir hafa öllu að tapa, þeir geta þannig séð tapað titlinum en við getum bara unnið titilinn. Þannig að sjálfsögðu er pressan meiri á FH."
,,Þeim nægir jafntefli, ég hefði varla kosið það að fara inn í leikinn og duga jafntefli. Það er oft sem maður dettur ósjálfrátt niður og leggst bara í vörn, það er alltaf hættulegt. Það ýtir meira á okkur að leggja okkur 100 prósent fram að við þurfum sigur."
,,Að sjálfsögðu yrði það alveg skelfilega svekkjandi ef við myndum missa af titlinum, en ég er engu að síður hrikalega stoltur yfir tímabilinu. Ef við tökum þetta á morgun, þá myndi ég næstum því segja að þetta sé fullkomið tímabil."
