Kantmaðurinn knái Aron Bjarnason er búinn að skrifa undir samning við sænska félagið Sirius sem gildir til ársins 2025.
Aron var á láni hjá Íslandsmeisturum Vals í fyrra en hann var þá einn af bestu leikmönnum Pepsi Max-deildarinnar.
Hann kemur til Sirius frá Ujpest í Ungverjalandi. Kaupverðið er sagt vera í kringum eina milljón sænskra króna eða fimmtán og hálf milljón íslenskra króna.
Aron fór til Ujpest frá Breiðabliki sumarið 2019 en hann náði ekki að festa sig í festi hjá ungverska félaginu.
Sirius endaði í tíunda sæti í sænsku úrvalsdeildinni í fyrra. Rúnar Þór Sigurgeirsson, vinstri bakvörður Keflvíkinga, var á reynslu hjá félaginu á dögunum.
Välkommen till Sirius, Aron Bjarnason! 🔵⚫ pic.twitter.com/IhlBmzYxpI
— IK Sirius Fotboll (@siriusfotboll) February 6, 2021
Athugasemdir