Gylfi á æfingu í Izmir í Tyrklandi í dag.
Gylfi Þór Sigurðsson er klár í slaginn fyrir leikinn gegn Tyrklandi á morgun.
Um er að ræða annan leik Íslands í Þjóðadeildinni en Gylfi spilaði veikur í fyrsta leiknum sem var 2-0 sigur gegn Svartfjallalandi síðasta föstudag.
Um er að ræða annan leik Íslands í Þjóðadeildinni en Gylfi spilaði veikur í fyrsta leiknum sem var 2-0 sigur gegn Svartfjallalandi síðasta föstudag.
Age Hareide, landsliðsþjálfari Íslands, sagði á fundinum að Gylfi væri klár í slaginn fyrir leikinn á morgun.
„Það er í lagi með hann. Ég held að hann hafi fengið einhvers konar matareitrun. Það er í lagi með hann," sagði Hareide.
Gylfi er 35 ára í dag, á afmæli. Jóhann Berg Guðmundsson, landsliðsfyrirliði, var spurður að því hvort því yrði fagnað í miðju landsliðsverkefni.
„Við sjáum hvað gerist í kvöld þegar við fáum okkur kvöldmat. Hann fær kannski eina sneið af köku, ekki mikið meira en það," sagði Jóhann Berg léttur.
Athugasemdir
