„Allir eru smá hræddir. Menn eiga fjölskyldur. Af hverju þurfum við að taka áhættuna? Það er mín spurning. Í dag greindust tveir til viðbótar. En á morgun? Ég? Maður veit það ekki. Það er allavega betra að ég fái veiruna en einhver leikmaður. En þetta er ekki rétt staða, við erum í tengslum við fjölskyldur okkar."

Sambandsdeildarleikurinn gegn Rennes á morgun mun fara fram en úrvalsdeildarleikurinn gegn Brighton sem á að vera á sunnudaginn er í óvissu. Rætt er um möguleika á að fresta leiknum.

Það flækir málið enn frekar að útileik Tottenham gegn Burnley var frestað nýlega þar sem leikvöllurinn var óleikhæfur vegna snjókomu. Enn á eftir að finna nýjan leikdag fyrir þann leik.

Tottenham vill ekki eiga fleiri frestaða leiki til góða en vill á hinn bóginn ekki mæta með laskað lið til leiks í komandi leiki. Leikmenn sem greinast með veiruna þurfa að vera í einangrun í tíu daga.

UEFA hefur tilkynnt að leikurinn gegn Rennes fari fram á áætluðum tíma. Samkvæmt reglum um Evrópuleiki er spilað ef félagið er með að minnsta kosti þrettán aðalliðsleikmenn tiltæka, þar af einn markmann.

Tottenham er að eltast við annað sætið í G-riðli sem myndi koma liðinu í 16-liða úrslit. Fréttamannafundur Conte í dag var rafrænn þar sem engin áhætta er tekin í ljósi stöðunnar.

Enska úrvalsdeildin frestaði sex leikjum á síðasta tímabili vegna Covid smita.